மாவட்ட சீனியர் பெண்கள் ஹாக்கி அணி: கோவில்பட்டியில் ஜன.2இல் தேர்வு

தூத்துக்குடி மாவட்ட பெண்கள் சீனியர் ஹாக்கி அணி வீராங்கனைகள் தேர்வு ஜனவரி 2இல் கோவில்பட்டியில் நடைபெறுகிறது.
இதுகுறித்து தூத்துக்குடி மாவட்ட ஹாக்கிக் கழக அட்காக் கமிட்டி உறுப்பினர் விஜயகுமார் விடுத்துள்ள அறிக்கை:  ஹாக்கி யூனிட் ஆப் தமிழ்நாடு நடத்தும் மாவட்டங்களுக்கு இடையேயான சீனியர் பெண்களுக்கான சாம்பியன் கோப்பை ஹாக்கி போட்டி திருநெல்வேலி மாவட்டத்தில் ஜனவரி 3  முதல் 6ஆம் தேதி வரை நடைபெறுகிறது.
அப்போட்டியில் பங்கேற்பதற்கு தூத்துக்குடி மாவட்ட சீனியர் பெண்கள் ஹாக்கி அணி வீராங்கனைகளுக்கான தேர்வு கோவில்பட்டி கிருஷ்ணாநகரில் உள்ள செயற்கை இழை ஹாக்கி மைதானத்தில் ஜனவரி 2ஆம் தேதி மாலை 4.30 மணிக்கு நடைபெறுகிறது. இதில், தூத்துக்குடி  மாவட்டத்தைச் சேர்ந்த ஹாக்கி கிளப், பள்ளி, கல்லூரி ஹாக்கி வீராங்கனைகள் கலந்துகொள்ளலாம்.