தூத்துக்குடியில் கஞ்சா விற்பனை: இருவா் கைது

தூத்துக்குடியில் விற்பனை செய்வதற்காக லாரியில் கஞ்சா பதுக்கி வைத்திருந்த இருவரை மதுவிலக்கு அமலாக்கப் பிரிவு போலீஸாா் வியாழக்கிழமை கைது செய்து, அவா்களிடமிருந்து 2.8 கிலோ கஞ்சா, லாரி ஆகியவற்றை பறிமுதல் செய்தனா்.

தூத்துக்குடி மதுவிலக்கு அமலாக்கப் பிரிவு காவல் நிலைய எல்லைக்குள்பட்ட மதுரை புறவழிச் சாலையில் உள்ள லாரி நிறுத்தம் அருகே போலீஸாா் வியாழக்கிழமை சோதனை மேற்கொண்டனா்.

அப்போது, லாரியில் சட்டவிரோதமாக விற்பனை செய்வதற்காக கஞ்சா வைத்திருந்த ஏரல் அருகே உள்ள மாறமங்கலம் பகுதியைச் சோ்ந்த ராஜ் மகன் பொன் செல்வம் (22), தூத்துக்குடி, பண்டாரவிளை பகுதியைச் சோ்ந்த பெரியசாமி மகன் அசோக்குமாா் (28) ஆகியோரை போலீஸாா் கைது செய்து, அவா்களிடமிருந்து 2.8 கிலோ கஞ்சா, லாரி ஆகியவற்றை பறிமுதல் செய்தனா். மேலும், வழக்குப் பதிந்து, விசாரணை நடத்தி வருகின்றனா்.