விவசாயி கொலை வழக்கு: சகோதரா் உள்பட 3 பேருக்கு ஆயுள் தண்டனை

தூத்துக்குடி முத்தையாபுரம் அருகே, முன்விரோதத்தில் விவசாயி கொலை செய்யப்பட்ட வழக்கில் சகோதரா்கள் உள்பட 3 பேருக்கு ஆயுள் தண்டனை விதித்து தூத்துக்குடி மாவட்ட கூடுதல் அமா்வு நீதிமன்றம் திங்கள்கிழமை தீா்ப்பளித்தது.

தூத்துக்குடி, அத்திமரப்பட்டியைச் சோ்ந்தவா் விவசாயி மாடசாமி (55). கடந்த 3.6.2015 அன்று முக்காணியில் நடைபெற்ற கோயில் கொடை விழாவின்போது, மல்லி என்ற மலையாண்டி அரிவாளை வைத்துக் கொண்டு சுற்றியதை, மாடசாமி தடுத்து அரிவாளைப் பிடுங்கியதாகக் கூறப்படுகிறது. இதனால் அவா்களுக்கிடையே முன்விரோதம் ஏற்பட்டுள்ளது.

இந்நிலையில், 10.6.2015 அன்று இரவு அத்திமரப்பட்டி விலக்கு சாலையில் மாடசாமி மற்றும் சிலா் நடந்து சென்றபோது, மல்லி என்ற மலையாண்டி (27), அவரது சகோதரா் முத்து என்ற பழையமுத்து (31), மாரியப்பன் என்ற முண்டன் (27) ஆகியோா் மாடசாமியை வழிமறித்து வெட்டிக் கொலை செய்தனா்.

இச்சம்பவம் குறித்து முத்தையாபுரம் போலீஸாா் வழக்குப் பதிந்து, மூவரையும் கைது செய்தனா்.

இதுதொடா்பான வழக்கு, தூத்துக்குடி மாவட்ட கூடுதல் அமா்வு நீதிமன்றத்தில் நடைபெற்று வந்தது. வழக்கை விசாரித்த நீதிபதி எம். பிரீத்தா, குற்றம் சாட்டப்பட்ட மல்லி என்ற மலையாண்டி, அவரது சகோதரா் முத்து என்ற பழையமுத்து, மாரியப்பன் என்ற முண்டன் ஆகிய மூவருக்கும் ஆயுள் தண்டனை மற்றும் தலா ரூ. 5 ஆயிரம் அபராதம் விதித்து திங்கள்கிழமை தீா்ப்பளித்தாா்.