ஆழ்வாா்திருநகரியில் பாலம் சீரமைப்பு பணியை விரைந்து முடிக்கக் கோரிக்கை

ஆழ்வாா்திருநகரியில், தென்கால் வாய்க்கால் பாலம் சீரமைக்கும் பணிகளை விரைந்து முடிக்க வேண்டும் என பொதுமக்கள் கோரிக்கை விடுத்துள்ளனா்.

ஆழ்வாா்திருநகரியில் உள்ள தென்கால் வாய்க்கால் பாலம் சேதமடைந்ததையடுத்து, கடந்த 2 ஆண்டுகளுக்கு முன்பு சீரமைப்புப் பணிகள் தொடங்கப்பட்டது. பேரூராட்சி நிா்வாகத்தினா் ரூ. 2.30 கோடியில் பணியைத் தொடங்கினா். இருப்பினும் பல்வேறு காரணங்களால் பணிகள் தொடா்ந்து தாமதமாகி வருகிறது.

அதோடு, அவ்வப்போது தென்கால் வாய்க்காலில் நீா்வரத்து அதிகரிப்பதால் சீரமைப்புப் பணிகள் தடை ஏற்பட்டது. இதையடுத்து, வாய்க்கால் நீரோட்டத்தை தடுத்து புதிதாக தற்காலிக மண்பாதை அங்கு அமைக்கப்பட்டது. எனினும், ஆம்புலன்ஸ், பள்ளி வாகனங்கள், விவசாய இடுபொருள்களை கொண்டு செல்லும் கனரக வாகனங்கள் செல்ல முடியாத நிலை ஏற்பட்டது. இதனால், பொதுமக்கள் பல இன்னல்களை சந்தித்து வருகின்றனா்.

எனவே, மாவட்ட நிா்வாகம், சம்மந்தப்பட்ட துறை அதிகாரிகள் உடனடியாகத் தலையிட்டு, தென்கால் வாய்க்கால் பாலம் சீரமைக்கும் பணிகளை விரைந்து முடிக்க வேண்டும் என பொதுமக்கள் கோரிக்கை விடுத்துள்ளனா்.