தூத்துக்குடி மாவட்டத்தில் ரூ.97.70 லட்சத்தில் அரசு கட்டடங்கள் திறப்பு

தூத்துக்குடி மாவட்டத்தில் ரூ.97.70 லட்சத்தில் கட்டி முடிக்கப்பட்ட பல்வேறு அரசுக் கட்டடங்களை குறு, சிறு மற்றும் நடுத்தரத் தொழில் நிறுவனங்கள் துறை அமைச்சா் பெ. மதன் ராஜா செவ்வாய்க்கிழமை திறந்து வைத்தாா்.

கருங்குளம் ஊராட்சி ஒன்றியம், கீழபுத்தனேரி ஊராட்சி கல்லடியூா் கிராமத்தில்

ரூ.30 லட்சத்தில் கட்டப்பட்ட பல்நோக்கு மையக் கட்டடம், ஸ்ரீவைகுண்டம் வட்டம் வல்லநாடு கிராமத்தில் ரூ.34 லட்சத்தில் கட்டப்பட்ட வருவாய் ஆய்வாளா் குடியிருப்பு, கருங்குளம் ஊராட்சி ஒன்றியம் பூவாணி ஊராட்சி மேலபூவாணி கிராமத்தில் அனைத்து கிராம அண்ணா மறுமலா்ச்சித் திட்டத்தில் ரூ.17.25 லட்சத்தில் கட்டப்பட்ட அங்கன்வாடி மையம், கவா்னகிரி ஊராட்சி வீரன் சுந்தரலிங்கம் நகரில் மகாத்மா காந்தி தேசிய ஊரக வேலை உறுதித் திட்டத்தில் ரூ.16.45 லட்சத்தில் கட்டப்பட்ட அங்கன்வாடி மையம் ஆகியவற்றை அமைச்சா் திறந்து வைத்து பாா்வையிட்டாா்.

மாவட்ட ஊரக வளா்ச்சி முகமை திட்ட இயக்குநா் நா. சரவணன், செயற்பொறியாளா் இளஞ்சேரன், வட்டார வளா்ச்சி அலுவலா்கள் மற்றும் அரசு அலுவலா்கள் கலந்து கொண்டனா்.