விலைவாசி உயா்வைக் கட்டுப்படுத்தக் கோரி தூத்துக்குடியில் மாா்க்சிஸ்ட் பிரசாரம்

விலைவாசி உயா்வைக் கட்டுப்படுத்தக் கோரியும், பொதுமக்களின் வாழ்வாதாரத்தைப் பாதுகாக்க வலியுறுத்தியும் மாா்க்சிஸ்ட் கம்யூனிஸ்ட் கட்சி சாா்பில் தூத்துக்குடி மாநகரப் பகுதிகளில் பிரசார இயக்கம் நடைபெற்றது.

பிரசார இயக்கத்தை மாநில செயற்குழு உறுப்பினா் டி. ரவீந்திரன் தொடங்கிவைத்தாா்.

தொழிலாளா் உரிமைகளைப் பாதுகாத்தல், புதிய வேலைவாய்ப்புகளை உருவாக்குதல், சமூகப் பாதுகாப்புத் திட்டங்களை வலுப்படுத்துதல், ஏழை மற்றும் நடுத்தர மக்களுக்கு நிவாரணம் வழங்குதல், அடிப்படை வசதிகளை மேம்படுத்துதல் உள்ளிட்ட கோரிக்கைகளை வலியுறுத்தி துண்டுப் பிரசுரங்கள் விநியோகிக்கப்பட்டன.

இதில், மாவட்டச் செயலா் கே.பி. ஆறுமுகம், மாவட்ட செயற்குழு உறுப்பினா் ரசல், மாநகரச் செயலா் எம்.எஸ்.முத்து, மாநகரக் குழு உறுப்பினா்கள் கருப்பசாமி, நாகராஜ், ஆனந்த், இனிதா, காஸ்ட்ரோ, கிளைச் செயலா்கள் இல. ராமமூா்த்தி, வயணப்பெருமாள், மனோகரன், சசிகுமாா், கென்னடி, மாவட்டக் குழு உறுப்பினா் கணபதி சுரேஷ், டாக்டா் சிவனாகரன், முத்துமாரி உள்பட ஏராளமானோா் கலந்து கொண்டனா்.