வாக்காளர் விழிப்புணர்வுப் பேரணி

குளித்தலையில் வருவாய்த் துறை சார்பில் வாக்காளர் விழிப்புணர்வுப் பேரணி சனிக்கிழமை நடைபெற்றது.

குளித்தலை அரசு ஆண்கள் மேல்நிலைப் பள்ளியில் இருந்து புறப்பட்ட பேரணியை கோட்டாட்சியர் சக்திவேல் தொடங்கி வைத்தார். வட்டாட்சியர் ரஞ்சீத், அரசு ஆண்கள் பள்ளித் தலைமை ஆசிரியர் மனோகரன் ஆகியோர் முன்னிலை வகித்தனர். பேரணி குளித்தலை நகரின் முக்கிய வீதிகளான மாரியம்மன்கோவில், கடைவீதி, பஜனைமடம்,  போராளகுந்தாளம்மன் கோவில்தெரு, பேருந்து நிலையம், கரூர் - திருச்சி தேசிய நெடுஞ்சாலை வழியாகச் சென்று சுங்ககேட்டில் முடிந்தது.

  குளித்தலை தேர்தல் பிரிவு துணை வட்டாட்சியர் மகாமுனி, வருவாய் ஆய்வாளர் வைரப்பெருமாள் , குளித்தலை அரசு ஆண்கள் மேல்நிலைப்பள்ளி மாணவர்கள் உள்ளிட்டோர்  பங்கேற்றனர்.