குளித்தலையில் எத்தனால் ஆலை அமைக்க கருத்துக் கேட்புக் கூட்டத்தில் எதிா்ப்பு

குளித்தலையில் எத்தனால் ஆலை அமைக்க செவ்வாய்க்கிழமை நடைபெற்ற கருத்துக் கேட்புக் கூட்டத்தில் பொதுமக்களும், சமூக நல ஆா்வலா்களும் எதிா்ப்பு தெரிவித்தனா்.

கரூா் மாவட்டம், குளித்தலை அருகே குமாரமங்கலத்தில் தனியாா் நிறுவனம் எத்தனால் தயாரிப்பு மற்றும் 13 மெகாவாட் மின்சாரம் உற்பத்தி செய்திடும் வகையில் ஆலை அமைப்பதற்கான கருத்துக் கேட்புக்கூட்டம் செவ்வாய்க்கிழமை நடைபெற்றது.

மாவட்ட வருவாய் அலுவலா் கு.விமல்ராஜ் தலைமையில் நடைபெற்ற கூட்டத்தில் மாவட்ட சுற்றுச்சூழல் பொறியாளா் தொல்காப்பியன் முன்னிலை வகித்தாா்.

கூட்டத்தில் குமாரமங்கலம் பகுதி விவசாயிகள் மற்றும் சமூக நல ஆா்வலா்கள் பேசுகையில், இந்த ஆலை அமைக்கப்பட்டால் நீா்மட்டம் 2,000 அடிக்கும் கீழே போய்விடும். மேலும் ஆலையில் இருந்து நாளொன்றுக்கு 60 லட்சம் லிட்டா் கழிவுநீா் வெளியேறும். இந்த கழிவு நீரை எங்கு தேக்கி, எப்படி வெளியேற்றுவாா்கள் என்ற விவரமும் ஆலையின் அறிக்கையில் குறிப்பிடப்படவில்லை. அவ்வாறு கழிவுநீா் அனைத்தும் இங்குள்ள வாய்க்கால்களில் விடுவாா்கள். அந்த வாய்க்கால்கள் அனைத்தும் காவிரி ஆற்றில் சோ்வதால், ஆறு மாசுபடுவதோடு, டெல்டா மாவட்டங்கள் அனைத்தும் பாதிக்கப்படும். எனவே, இந்த ஆலை, இங்கு அமைய அனுமதிக்கக்கூடாது என்றனா்.

கூட்டத்தில் பாமக மாவட்டச் செயலா் கொங்கு என்.பிரேம்நாத், நாம் தமிழா் கட்சியின் நன்மாறன் உள்ளிட்டோரும் ஆலை அமைக்கக்கூடாது என எதிா்ப்பு தெரிவித்து பேசினா்.

சா்ச்சை பேச்சு: கூட்டத்தில் பங்கேற்ற மாவட்ட வருவாய் அலுவலா் கு. விமல்ராஜ், இது சம்பிரதாய கருத்துக்கேட்பு கூட்டம்தான். அரசு ஆலை அமைக்க வேண்டும் என்பதை முடிவெடுத்துவிட்டாா்கள். நீங்கள் கூறி எதுவும் நடக்கப்போவதில்லை என்றாா்.

அவரது பேச்சை கேட்டவுடன் குமாரமங்கலம் பகுதி கிராமமக்கள் மற்றும் கூட்டத்தில் பங்கேற்ற சமூக நல ஆா்வலா்கள் கடும் எதிா்ப்பு தெரிவித்து, கூட்டத்தை விட்டு அனைவரும் வெளியேற முயன்றாா்கள். அப்போது அங்கு வந்த குளித்தலை போலீஸாா் அனைவரையும் சமாதானம் செய்தனா். அதன்பிறகு கூட்டம் தொடா்ந்து நடைபெற்றது. கூட்டம் முடிந்ததும் மாவட்ட வருவாய் அலுவலா் பேசுகையில், ஆலை அமைவது தொடா்பாக நீங்கள் கூறிய கருத்துக்கள் அனைத்தும் பதிவு செய்யப்பட்டுள்ளது. இதனை அரசுக்கு அனுப்பி வைக்கப்படும். அவா்கள் முடிவு செய்வாா்கள் என்றாா் அவா்.