இளம்பெண் மாயம்

பெரம்பலூர் மாவட்டம், குன்னம் அருகே இளம்பெண் கடத்தப்பட்டாரா என போலீஸார் விசாரணை மேற்கொண்டு வருகின்றனர். 
குன்னம் அருகேயுள்ள க.எறையூர் கிராமத்தைச் சேர்ந்தவர் மணி மகள் ரஞ்சிதா (22).  பி.ஏ. படித்துள்ளார். திருமணமாகாத இவர், கடந்த 31 ஆம் தேதி வீட்டை விட்டு வெளியே சென்றவர் இரவு வரை வீட்டுக்கு திரும்பவில்லையாம். இதையறிந்த அவரது பெற்றோர் பல இடங்களில் தேடியும் ரஞ்சிதா கிடைக்கவில்லை எனக் கூறப்படுகிறது. 
இதுகுறித்து அவரது தந்தை மணி மருவத்தூர் காவல் நிலையத்தில் அளித்த புகாரின்பேரில் உதவி ஆய்வாளர் சண்முகம் வழக்குப் பதிந்து விசாரணை மேற்கொண்டு வருகிறார்.