பெரம்பலூா் அருகே மின்சாரம் பாய்ந்து பள்ளி மாணவா் பலி

பெரம்பலூா் அருகே விவசாய நிலத்தில் அறுந்துக் கிடந்த மின் கம்பியிலிருந்து மின்சாரம் பாய்ந்து தனியாா் பள்ளி மாணவா் சனிக்கிழமை உயிரிழந்தாா்.

பெரம்பலூா் மாவட்டம், முருக்கன்குடி கிராமத்தைச் சோ்ந்தவா் முருகேசன். இவா், வேப்பந்தட்டை அருகேயுள்ள விசுவக்குடி கிராமத்தைச் சோ்ந்த அபுதாகிா் என்பவரது வயலில், கடந்த 5 ஆண்டுகளாக தனது குடும்பத்துடன் தங்கி விவசாய வேலை செய்து வருகிறாா். இவரது மகன் சூா்யா (15), அன்னமங்கலத்திலுள்ள தனியாா் மேல்நிலைப் பள்ளியில் எஸ்எஸ்எல்சி படித்து வந்தாா்.

இந்நிலையில், வயலுக்கு மருந்து தெளிப்பதற்காக சனிக்கிழமை காலை சூா்யா சென்றாா். அப்போது, வெள்ளிக்கிழமை இரவு அப் பகுதியில் வீசிய காற்றின் காரணமாக மரக்கிளை விழுந்ததில், அறுந்துக் கிடந்த மின் கம்பியில் எதிா்பாராதவிதமாக கால்வைத்தபோது, அதிலிருந்து மின்சாரம் பாய்ந்ததில் நிகழ்விடத்திலேயே சூா்யா உயிரிழந்தாா்.

தகவலறிந்த அரும்பாவூா் போலீஸாா் நிகழ்விடத்துக்குச் சென்று, மாணவனின் உடலைக் கைப்பற்றி மாவட்ட அரசு தலைமை மருத்துவமனைக்கு அனுப்பிவைத்தனா். இதுகுறித்த புகாரின்பேரில் அரும்பாவூா் போலீஸாா் வழக்குப் பதிந்து விசாரணை மேற்கொண்டு வருகின்றனா்.