பள்ளி மாணவர்களுக்கு கட்டுரைப் போட்டிகள்

பொன்னமராவதி  கிளை நூலகம் சார்பில் புதுப்பட்டி அரசு மகளிர் மேல்நிலைப்பள்ளியில் இளம் படைப்பாளர் விருதுக்கான போட்டிகள் செவ்வாய்க்கிழமை நடைபெற்றன. 
போட்டியை வாசகர் வட்டத்தலைவர் கே. பொன்னுச்சாமி தொடங்கிவைத்தார். தலைமை ஆசிரியை நிர்மலாதேவி முன்னிலை வகித்தார். கிளை நூலகர் பி.ராமகிருஷ்ணன் வரவேற்றார். போட்டியில், வாசித்தேன் வளர்ந்தேன் எனும் தலைப்பில் மாணவிகளுக்கு கட்டுரைப் போட்டிகள் நடத்தப்பட்டது. மேலும் மாணவிகள் வாசிப்பு பழக்கம் மற்றும் பொது அறிவினை மேம்படுத்திக்கொள்ள நூலகத்தைப் பயன்படுத்திக் கொள்ள அறிவுருத்தப்பட்டது. ஆசிரியர்கள் பூபதி, செல்லப்பாண்டியன், அருள்ராஜ் உள்ளிட்டோர் பங்கேற்றனர்.