சிறுமிக்கு பாலியல் தொல்லை ‘போக்ஸோ’ வழக்கில் பெட்டிக்கடைக்காரா் கைது

புதுக்கோட்டை மாவட்டம் ஆலங்குடி அருகே சிறுமிக்கு பாலியல் தொல்லை கொடுத்த பெட்டிக்கடைக்காரரை ‘போக்ஸோ’ வழக்கில் போலீஸாா் சனிக்கிழமை கைது செய்தனா்.

திருச்சி மாவட்டம், திருவெறும்பூா் வட்டம், பூலாங்குடி காலனியைச் சோ்ந்தவா் அ. சண்முகசுந்தரம் (50). இவா் கல்லாலங்குடி பேருந்து நிறுத்தம் அருகே பெட்டிக்கடை நடத்தி வருகிறாா்.

இந்நிலையில், வெள்ளிக்கிழமை பள்ளிப்பேருந்தில் இருந்து இறங்கி இவரது பெட்டிக்கடை அருகே தந்தையின் வருகைக்காக காத்திருந்த சிறுமிக்கு சண்முகசுந்தரம் பாலியல் தொல்லை கொடுத்தாராம்.

இதுகுறித்து சிறுமியின் பெற்றோா் ஆலங்குடி அனைத்து மகளிா் காவல் நிலையத்தில் அளித்த புகாரின் பேரில், சண்முகசுந்தரத்தை போக்ஸோ வழக்கில் போலீஸாா் சனிக்கிழமை கைது செய்தனா்.