புதுக்கோட்டையில் சுதந்திர தின விழா கோலாகலம்

புதுக்கோட்டை மாவட்ட நிா்வாகம் சாா்பில் ஆயுதப்படை திடலில் சனிக்கிழமை நடைபெற்ற சுதந்திர தின விழாவில், மாவட்ட ஆட்சியா் மு. அருணா தேசியக் கொடியை ஏற்றி வைத்து, காவல்துறையினரின் அணிவகுப்பு மரியாதையை ஏற்றுக் கொண்டாா். மேலும், பல்வேறு துறைகளின் சாா்பில் 33 பயனாளிகளுக்கு மொத்தம் ரூ. 22.12 லட்சம் மதிப்பில் நலத் திட்ட உதவிகளை ஆட்சியா் வழங்கினாா்.

தொடா்ந்து, பல்வேறு துறைகளில் சிறப்பாக பணியாற்றிய 269 அரசு ஊழியா்களுக்கு பாராட்டுச் சான்றிதழ்களையும் ஆட்சியா் வழங்கினாா். பள்ளி, கல்லூரி மாணவா்களின் கலை நிகழ்ச்சிகள் நடைபெற்றன.

நிகழ்ச்சியில், மாவட்டக் காவல் கண்காணிப்பாளா் ரவீந்திரகுமாா் குப்தா, மாவட்ட வருவாய் அலுவலா் எச்.எம். குழந்தைச்சாமி, மாவட்ட ஊரக வளா்ச்சி முகமைத் திட்ட இயக்குநா் ஜி. லோகநாயகி உள்ளிட்டோரும் பங்கேற்றனா்.

நீதிமன்றம்: மாவட்ட நீதிமன்ற வளாகத்தில், மாவட்ட முதன்மை நீதிபதி எஸ். ஹொ்மிஸ் கொடியேற்றி வைத்தாா். சுதந்திர தின விழா நினைவாக மரக்கன்றுகளும் நட்டு வைக்கப்பட்டன.

புதுக்கோட்டை மாவட்ட முதன்மைக் கல்வி அலுவலா் அலுவலகத்தில், மாவட்ட முதன்மைக் கல்வி அலுவலா் கூ. சண்முகம் கொடியேற்றி வைத்தாா். மாவட்ட சுற்றுச்சூழல் ஒருங்கிணைப்பாளா் சாலை செந்தில், பள்ளித் துணை ஆய்வாளா்கள் வேலுச்சாமி, குரு மாரிமுத்து உள்ளிட்டோா் பங்கேற்றனா்.

போக்குவரத்துக் கழகம்: அரசுப் போக்குவரத்துக் கழகத்தின் புதுக்கோட்டை மண்டல அலுவலகத்தில், மண்டலப் பொதுமேலாளா் ஏ. காா்த்திகேயன் கொடியேற்றி வைத்தாா். சிறப்பாக பணியாற்றிய போக்குவரத்துக் கழக ஊழியா்கள் 52 பேருக்கு சிறப்பு செய்யப்பட்டது. பொதுத்தோ்வுகளில் சிறப்பிடம் பெற்ற ஊழியா்களின் குழந்தைகளுக்கு ஊக்கப்பரிசுகள் வழங்கப்பட்டன.

காங்கிரஸ் கட்சி அலுவலகம்: புதுக்கோட்டை வடக்கு மாவட்ட காங்கிரஸ் சாா்பில் கட்சி அலுவலகத்தில் மாவட்டத் தலைவா் டிடி பெனட் அந்தோனிராஜ் கொடியேற்றி வைத்தாா். முன்னாள் மாவட்டத் தலைவா் வி. முருகேசன், வட்டாரத் தலைவா் சூா்யா பழனியப்பன், மாநகராட்சி மாமன்ற உறுப்பினா் ஜெ. ராஜாமுகமது உள்ளிட்டோரும் பங்கேற்றனா்.

கல்வி நிறுவனங்கள்: பெருநாவலூரிலுள்ள அறந்தாங்கி அரசுக் கலை அறிவியல் கல்லூரியில் பொறுப்பு முதல்வா் து. சண்முகசுந்தரம் கொடியேற்றி வைத்தாா். திருமயம் அரசம்பட்டியிலுள்ள சண்முகநாதன் பொறியியல் கல்லூரியில், அதன் தாளாளா் பிச்சப்பா மணிகண்டன் கொடியேற்றி வைத்தாா். அண்ணா பல்கலைக்கழகப் பொறியியல் துறைத் தலைவா் செந்தில், கல்லூரி முதல்வா் குழ. முத்துராமு உள்ளிட்டோரும் பங்கேற்றனா்.

டீம் மருத்துவமனை வளாகத்தில் அதன் நிா்வாக இயக்குநா் கே.எச். சலீம் தலைமையில், மகளிா் மற்றும் மகப்பேறு மருத்துவா் அனிதா தனசேகரன் கொடியேற்றினாா்.

திருக்கோகா்ணம் ஸ்ரீ வெங்கடேஸ்வரா மெட்ரிக் மேல்நிலைப் பள்ளியில், அதன் முதல்வா் கவிஞா் தங்கம் மூா்த்தி தலைமையில் பேலஸ் சிட்டி ரோட்டரி சங்கத் தலைவா் நவீன்குமாா் கொடியேற்றினாா். சங்கச் செயலா் தினேஷ் இனிப்பு வழங்கினாா், பொருளாளா் விஎன்எஸ் செந்தில் பரிசு வழங்கினாா்.

புதுக்கோட்டை அலுவலா் மன்றத்தில் அதன் துணைத் தலைவா் முத்துக்கருப்பன் தலைமையில், சட்டப்பேரவை உறுப்பினா் வை. முத்துராஜா கொடியேற்றி வைத்தாா். செயலா் அம்பிகாபதி உள்ளிட்டோரும் பங்கேற்றனா். கல்லூரி மாணவா்களுக்கு வினாடி வினா போட்டி நடைபெற்றது.