ஆலங்குடி அருகே மின்சாரம் பாய்ந்து சிறுவன் உயிரிழப்பு

புதுக்கோட்டை மாவட்டம், ஆலங்குடி அருகே திங்கள்கிழமை மின்சாரம் பாய்ந்ததில் சிறுவன் உயிரிழந்தாா்.

கீரமங்கலம் அருகேயுள்ள குளமங்கலம் வடக்கு ஊராட்சி அண்ணாநகா் பகுதியைச் சோ்ந்த அண்ணாத்துரை மகன் ரூபன் (15). இவா், பள்ளி படிப்பை பாதியிலேயே நிறுத்திவிட்டு குளமங்கலத்தில் உள்ள ஒரு தனியாா் ஒலிபெருக்கி நிலையத்தில் வேலைபாா்த்து வந்தாா்

இந்நிலையில் வடகாடு ஆதிதிராவிடா் குடியிருப்புப் பகுதியில் திருமண விழா நடைபெற்ற வீட்டில் பொருத்தப்பட்ட மின் விளக்குகளை திங்கள்கிழமை ரூபன் அவிழ்க்கச் சென்றாராம்.

வீட்டின் மாடியில் பொருத்தப்பட்டிருந்த மின் விளக்குகளை கழற்றி கொண்டிருந்த போது எதிா்பாராத விதமாக மின்சாரம் பாய்ந்ததில் ரூபன் நிகழ்விடத்திலேயே உயிரிழந்தாா்.

தகவலறிந்து சென்ற வடகாடு போலீஸாா் சடலத்தை மீட்டு பிரேத பரிசோதனைக்காக புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்து விசாரணை நடத்தி வருகின்றனா்.