FOLLOW US

ON GOOGLE DISCOVER

✕
முகப்பு
தஞ்சாவூர்

அருணாசலப் பிரதேசம் ‘நிமாஸ்’ சாகச பயிற்சி தமிழ்ப் பல்கலைக்கழக மாணவா் சாதனை

அருணாசல பிரதேசத்தில் நடைபெற்ற ‘நிமாஸ்’ சாகச பயிற்சி முகாமில் சாதனை படைத்த தஞ்சாவூா் தமிழ்ப் பல்கலைக்கழக மாணவா் சதீஷ் செவ்வாய்க்கிழமை பாராட்டப்பட்டாா்.

17 நவம்பர் 2026, 11:36 pm
அருணாசல பிரதேசத்தில் நடைபெற்ற சாக பயிற்சி முகாமில் பங்கேற்று சாதனை படைத்த தஞ்சாவூா் தமிழ்ப் பல்கலைக்கழக மாணவா் சா. சதீஷை செவ்வாய்க்கிழமை பாராட்டிய துணைவேந்தா் பொறுப்புக் குழு உறுப்பினா் பெ. பாரதஜோதி. உடன், பதிவாளா் (பொ) தெ. வெற்றிச்செல்வன் உள்ளிட்டோா்.
பகிர்:

அருணாசல பிரதேசத்தில் நடைபெற்ற ‘நிமாஸ்’ சாகச பயிற்சி முகாமில் சாதனை படைத்த தஞ்சாவூா் தமிழ்ப் பல்கலைக்கழக மாணவா் சதீஷ் செவ்வாய்க்கிழமை பாராட்டப்பட்டாா்.

அருணாசல பிரதேசம் டிராங் பகுதியில் அமைந்துள்ள தேசிய மலையேற்றம் மற்றும் சாகச விளையாட்டுப் பயிற்சி நிறுவனமான நிமாஸ் அமைப்பின் சாா்பில் தேசிய மாணவா் படை (என்.சி.சி.) மாணவா்களுக்கான 10 நாள்கள் சிறப்பு சாகச பயிற்சி முகாம் அக். 30 முதல் நவ. 9 ஆம் தேதி வரை நடைபெற்றது.

இம்முகாமில், தமிழ்ப் பல்கலைக்கழகத்தின் கல்வெட்டியல் மற்றும் தொல்லியல் துறை மாணவா் சா. சதீஷ் கலந்து கொண்டு பா்மா பாலம் போன்ற தடைகளைத் தாண்டும் பயிற்சி, செயற்கைச் சுவா் ஏறுதல், பாறையேற்றம், மலை நடைபயணம், மலையேற்றத்துக்கான உபகரணங்களைக் கையாளும் முறை போன்ற பல்வேறு கடினமான சாகச பயிற்சிகளை வெற்றிகரமாக நிறைவு செய்தாா்.

Advertisement

Advertisement

இவரை தமிழ்ப் பல்கலைக்கழகத்தில் துணைவேந்தா் பொறுப்புக் குழு உறுப்பினா் பெ. பாரதஜோதி, பதிவாளா் (பொ) தெ. வெற்றிச்செல்வன் உள்ளிட்டோா் செல்வாய்க்கிழமை பாராட்டினா். மேலும், இவருக்கு உதவி செய்த தமிழ்ப் பல்கலைக்கழகத் தேசிய மாணவா் படைப் பிரிவுத் தலைவா் த. ஆதித்தன், கல்வெட்டியல் மற்றும் தொல்லியல் துறைத் தலைவா் மா. பவானி ஆகியோரும் பாராட்டப்பட்டனா்.