பைக் மோதி முதியவா் உயிரிழப்பு: கிராம மக்கள் சாலை மறியல்

தஞ்சாவூா் அருகே செவ்வாய்க்கிழமை இரவு பைக் மோதியதில் பலத்த காயமடைந்த முதியவா் உயிரிழந்தாா். இதனால் அதிருப்தியடைந்த கிராம மக்கள் சாலை மறியல் போராட்டத்தில் ஈடுபட்டனா்.

தஞ்சாவூா் அருகே வயலூா் கிராமத்தைச் சோ்ந்தவா் கே. மதிவாணன் (60), கூலித் தொழிலாளி. இவா் செவ்வாய்க்கிழமை இரவு தஞ்சாவூா் - கும்கோணம் சாலையில் நடந்து சென்று கொண்டிருந்தாா். அப்போது, அந்த வழியாக வந்த பைக் மோதி காயமடைந்த மதிவாணன் உயிரிழந்தாா். 

இதையறிந்த கிராம மக்கள் விபத்தை ஏற்படுத்திய நபரை கைது செய்ய வலியுறுத்தி சாலை மறியல் போராட்டத்தில் ஈடுபட்டனா். தகவலறிந்த தாலுகா காவல் நிலையத்தினா் சென்று சமாதானப்படுத்தி அனுப்பினா். இதனால் அப்பகுதியில் சுமாா் அரை மணி நேரம் போக்குவரத்து பாதிக்கப்பட்டது. 

விபத்து குறித்து தாலுகா காவல் நிலைய போலீஸாா் வழக்குப் பதிந்து விசாரிக்கின்றனா்.