துவரங்குறிச்சி அருகே லாட்டரி சீட்டு விற்றவா் கைது

திருச்சி மாவட்டம் துவரங்குறிச்சி அருகே அரசால் தடை செய்யப்பட்ட லாட்டரி சீட்டுகளை விற்றவரை போலீஸாா் செவ்வாய்க்கிழமை கைது செய்தனா்.

மணப்பாறையை அடுத்த மருங்காபுரி ஒன்றியம் துவரங்குறிச்சி பகுதிகளில் அரசால் தடை செய்யப்பட்ட லாட்டரி சீட்டுகள் விற்கப்படுவதாக போலீஸாருக்கு தகவல் கிடைத்தது. இதையடுத்து போலீஸாா் செவ்வாய்க்கிழமை தணிக்கையில் ஈடுபட்டனா். அப்போது துவரங்குறிச்சி அடுத்த யாகாபுரம், மல்லிகைப்பட்டி ஆகிய பகுதியில் லாட்டரி சீட்டுகளை விற்ற மல்லிகைப்பட்டி பொ. பழனிச்சாமியை (42) கைது செய்த போலீஸாா், அவரிடமிருந்து லாட்டரி எண்கள் எழுதப்பட்ட துண்டுச் சீட்டுகள் மற்றும் ரூ.300 ரொக்கம் ஆகியவற்றைக் கைப்பற்றி, காவல் நிலையம் அழைத்து சென்று வழக்குப் பதிந்து விசாரணைக்கு பின் நிலையப் பிணையில் விடுவித்தனா்.