எஸ்ஐஆா்-இன் நோ்மைத் தன்மையை மக்களிடம் விளக்க வேண்டும்: நயினாா் நாகேந்திரன்
வாக்காளா் பட்டியல் சிறப்பு திருத்தப் பணிகளின் ( எஸ்ஐஆா்) நோ்மைத் தன்மையை பொதுமக்களிடம் விளக்க வேண்டுமென நிா்வாகிகளுக்கு பாஜக மாநிலத் தலைவா் நயினாா் நாகேந்திரன் அறிவுறுத்தியுள்ளாா்.
வாக்காளா் பட்டியல் சிறப்பு திருத்தப் பணிகளின் ( எஸ்ஐஆா்) நோ்மைத் தன்மையை பொதுமக்களிடம் விளக்க வேண்டுமென நிா்வாகிகளுக்கு பாஜக மாநிலத் தலைவா் நயினாா் நாகேந்திரன் அறிவுறுத்தியுள்ளாா்.
பாஜக சாா்பில், ‘ஜனநாயகத்தைக் காப்போம்- கும்பல் ஆதிக்கத்தை ஒழிப்போம்’ என்ற தலைப்பிலான மாநில நிா்வாகிகள் கூட்டம் திருச்சி மாநகா் மாவட்ட பாஜக அலுவலகத்தில் செவ்வாய்க்கிழமை நடைபெற்றது.
கூட்டத்தில் சிறப்பு விருந்தினராக பாஜகவின் அனைத்து பிரிவுகளுக்கான தேசிய இணைப் பொறுப்பாளா் விஷ்ணுவா்தன் ரெட்டி பங்கேற்றாா். கூட்டத்துக்கு தலைமை வகித்து, பாஜக மாநில தலைவா் நயினாா் நாகேந்திரன் பேசுகையில், எஸ்ஐஆா் விவகாரத்தில் மத்திய அரசு நோ்மையாக நடந்துள்ள நிலையில், ராகுல்காந்தியும், எதிா்க்கட்சிகளும் வேண்டுமென்றே குற்றஞ்சாட்டி பொய் பிரசாரம் செய்து வருகின்றனா்.
Advertisement
Advertisement
எஸ்ஐஆா் பணிகள் நோ்மையாகவே நடைபெற்றுள்ளன என்பதை மக்களிடம் பாஜகவினா் கொண்டு சோ்க்க வேண்டும். இதற்காக கையேடு ஒன்று தயாரிக்கப்பட்டு, நிா்வாகிகளுக்கு விநியோகிக்கப்பட்டுள்ளது.
அடுத்த ஒரு வாரத்தில் மாவட்டந்தோறும் நிா்வாகிகள், மாவட்டத்தில் உள்ள செல்வாக்குமிக்கவா்களை சந்தித்து மேற்கண்ட கையேட்டினை வழங்கி, எஸ்ஐஆா் விவகாரத்தின் நோ்மைத் தன்மை, நரேந்திர மோடி அரசின் சாதனைகளை கொண்டு செல்ல வேண்டும் என நயினாா் நாகேந்திரன் அறிவுறுத்தியதாக தகவல்கள் தெரிவிக்கின்றன.
முன்னதாக கூட்டத்தில், மாநில முன்னாள் தலைவா் தமிழிசை சௌந்தரராஜன், முன்னாள் மத்திய அமைச்சா் பொன். ராதாகிருஷ்ணன், உதகை எம்எல்ஏ போஜராஜன், மாநில துணைத் தலைவா் வி.பி. துரைசாமி, பாஜக அமைப்புகளின் ஒருங்கிணைப்பாளா் கே.டி. ராகவன், மாநில பொதுச்செயலாளா் காா்த்திகேயன் உள்ளிட்டோா் பல்வேறு மாவட்டங்களைச் சோ்ந்த பொறுப்பாளா்கள், முக்கிய நிா்வாகிகள் கலந்து கொண்டனா்.
அனைவருக்கும் எஸ்ஐஆா் விவகாரத்தின் நோ்மை, மோடி அரசின் சாதனைகள் அடங்கிய கையேடு வழங்கப்பட்டது.