உலக தாய்ப்பால் வார முகாம்

குறிஞ்சிப்பாடி திருவள்ளுவர் கலை, அறிவியல் கல்லூரியில் உலக தாய்ப்பால் வார சிறப்பு விழிப்புணர்வு முகாம் அண்மையில் நடைபெற்றது.
 முகாமுக்கு, கல்லூரி முதல்வர் வி.ராம்நாத் தலைமை வகித்தார். நிர்வாகக் குழுத் தலைவர் ஆர்.சட்டநாதன், பொருளாளர் டி.ராமலிங்கம், செயலர் டி.ராஜாமணி மற்றும் நிர்வாகக் குழு உறுப்பினர்கள் முன்னிலை வகித்தனர். கணினி அறிவியல் துறைத் தலைவர் பி.மணிவண்ணன் வரவேற்றார்.
 மாவட்ட தாய்சேய் நல அலுவலர் பா.மகேஸ்வரி, வட்டார மருத்துவ அலுவலர் ஏ.ஹேமலதா, குழந்தைகள் வளர்ச்சித் திட்ட அலுவலர் கு.சாய்ராபானு ஆகியோர் சிறப்பு அழைப்பாளர்களாகக் கலந்துகொண்டு தாய்ப்பாலின் முக்கியத்துவம், அதன் பயன்கள் குறித்து விளக்கிப் பேசினர். ஏற்பாடுகளை பேராசிரியர்கள் பி.நிர்மலா, எஸ்.புவனேஸ்வரி ஆகியோர் செய்திருந்தனர்.
 முகாமில், பேராசிரியர்கள், மாணவிகள் பங்கேற்றனர். கள விழிப்புணர்வு உதவியாளர் மு.தியாகராஜன் நன்றி கூறினார்.