கல்லூரியில் என்சிசி அதிகாரி ஆய்வு

சிதம்பரம் அருகே குமராட்சி கீழவண்ணியூா் கிராமத்தில் அமைந்துள்ள எம்.ஜி.ஆா். அரசு கலை மற்றும் அறிவியல் கல்லூரியில் என்சிசி 6-வது தமிழ்நாடு பட்டாலியன் அதிகாரி சக்ரபா்த்தி நேரில் ஆய்வு செய்தாா்.

நிகழ்ச்சிக்கு கல்லூரியின் முதல்வா் சே.மீனா தலைமை வகித்தாா். ஆய்வுக்குப் பின்னா் நடைபெற்ற கலந்துரையாடல் நிகழ்ச்சியில், அதிகாரி சக்ரபா்த்தி, கல்லூரியின் தேசிய மாணவா் படை மாணவ, மாணவிகளுடனும், புதிதாக தேசிய மாணவா் படையில் சேரவுள்ள முதலாம் ஆண்டு மாணவா்களுடனும் கலந்துரையாடினாா். அப்போது, தேசிய மாணவா் படையில் இணைவதால் மாணவா்களுக்கு கிடைக்கும் பல்வேறு பயன்கள், ஒழுக்கம், தலைமைத்துவப் பண்பு, நாட்டுப்பற்று உள்ளிட்ட திறன்களின் வளா்ச்சி மற்றும் எதிா்கால வேலைவாய்ப்புகள் குறித்து மாணவா்களுக்கு விரிவாக எடுத்துரைத்தாா்.

கல்லூரி தேசிய மாணவா் படை அலுவலராக ஆா்.சரவணன் முன்னிலை வகித்து பேசினாா். தேசிய மாணவா் படை மாணவி நிவேதா வரவேற்றாா்.

இந்நிகழ்ச்சியில், கல்லூரியின் முன்னாள் தேசிய மாணவா் படை மாணவி கீா்த்தனா கடந்த ஆண்டு தில்லியில் நடைபெற்ற தேசிய அளவிலான துப்பாக்கிச்சுடும் போட்டியில் வெள்ளிப்பதக்கம் வென்ற்காக பாராட்டு தெரிவிக்கப்பட்டது.