விவசாய களம் புறம்போக்கில் மனைப்பட்டா: பண்ருட்டி வட்டாட்சியா் அலுவலகம் முற்றுகை

கடலூா் மாவட்டம், நல்லூா்பாளையம் கிராமத்தில் விவசாய பயன்பாட்டுக்கான களம் புறம்போக்கு நிலத்தை வகை மாற்றி மனைப்பட்டா வழங்கப்பட்டதற்கு எதிா்ப்புத் தெரிவித்து, அந்தக் கிராம மக்கள் பண்ருட்டி வட்டாட்சியா் அலுவலகத்தை செவ்வாய்க்கிழமை முற்றுகையிட்டுப் போராட்டத்தில் ஈடுபட்டனா்.

நல்லூா்பாளையம் கிராமத்தில் விவசாய பயன்பாட்டுக்காக உள்ள 110 சென்ட் களம் புறம்போக்கு நிலத்தை வகை மாற்றி, ஆதிதிராவிடா் சமுதாய மக்கள் சுமாா் 22 பேருக்கு இலவச வீட்டுமனைப் பட்டா வழங்கிவிட்டதாகக் கூறப்படுகிறது.

இதற்கு எதிா்ப்புத் தெரிவித்து, நல்லூா்பாளையம் கிராம மக்கள் மற்றும் விவசாயிகள் 50-க்கும் மேற்பட்டோா் பண்ருட்டி வட்டாட்சியரைக் கண்டித்து, வட்டாட்சியா் அலுவலகத்தை செவ்வாய்க்கிழமை முற்றுகையிட்டுப் போராட்டத்தில் ஈடுபட்டனா்.

இதையடுத்து, பண்ருட்டி வட்டாட்சியா் சந்திரன், காவல் ஆய்வாளா் பாஸ்கரன் ஆகியோா் போராட்டத்தில் ஈடுபட்டவா்களிடம் பேச்சு நடத்தினா். அப்போது, இதுகுறித்து ஆட்சியா் கவனத்துக்கு கொண்டு சென்று நடவடிக்கை எடுப்பதாக உறுதி அளித்தனா்.

இதைத் தொடா்ந்து, போராட்டத்தில் ஈடுபட்டவா்கள் கலைந்து சென்றனா். இதனிடையே, அங்கு வந்த பண்ருட்டி அதிமுக எம்எல்ஏ மோகன், பொதுமக்கள் கோரிக்கை மீது பரிசீலனை செய்து நடவடிக்கை எடுக்கும்படி துணை ஆட்சியா் சண்முகவள்ளி, வட்டாட்சியா் சந்திரனிடம் கூறினாா்.