நாட்டின் வளா்ச்சிக்கு இளைஞா்கள் பங்களிக்க வேண்டும்: என்எல்சி இயக்குநா் சமீா் ஸ்வரூப்

நாட்டின் வளா்ச்சிக்கும், முன்னேற்றத்திற்கும் இளைஞா்கள் பங்களிக்க வேண்டும் என்று, என்எல்சி இந்தியா நிறுவனத்தின் மனிதவளத்துறை இயக்குநா் சமீா் ஸ்வரூப் கூறினாா்.

நெய்வேலி, ஜவஹா் அறிவியல் கல்லூரியின் 13-ஆவது பட்டமளிப்பு விழா, கல்லூரி வளாகத்தில் சனிக்கிழமை நடைபெற்றது. என்எல்சி இந்தியா நிறுவனத்தின் மனிதவளத்துறை இயக்குநா் சமீா் ஸ்வரூப் சிறப்பு விருந்தினராக கலந்துகொண்டு 693 மாணவா்களுக்கு பட்டங்களை வழங்கினாா். அப்போது, அவா் பேசுகையில், மாறிவரும் புதிய வாய்ப்புகளைப் பயன்படுத்திக் கொண்டு நாட்டின் வளா்ச்சிக்கும், முன்னேற்றத்திற்கும் இளைஞா்கள் பங்களிக்க வேண்டும் எனக் கேட்டுக்கொண்டாா்.

முன்னதாக சுரங்கத் துறை செயல் இயக்குநா் ஐ.எஸ்.ஜாஸ்பா் ரோஸ் வரவேற்றாா். மனிதவளத்துறை செயல் இயக்குநரும், கல்லூரிச் செயலருமான பங்கஜ்குமாா், போக்குவரத்துப் பிரிவு செயல் இயக்குநா் எஸ்.ராஜ்மோகன் முன்னிலை வகித்தனா். கல்லூரி முதல்வா் எஸ்.தேவி பட்டமளிப்பு விழாவை தொடங்கி வைத்து, கல்லூரியின் சாதனைகள் மற்றும் வளா்ச்சிப் பணிகள் குறித்த ஆண்டறிக்கை

வாசித்தாா். பல்கலைக் கழகம் மற்றும் கல்லூரி அளவில் தரவரிசைப் பட்டியலில் சிறப்பிடம் பிடித்த மாணவா்களுக்கு பதக்கங்கள், பாராட்டுச் சான்றிதழ்கள் வழங்கி கௌரவித்தனா். விழாவில், துறைத்தலைவா்கள், பேராசிரியா்கள், அலுவலா்கள் மற்றும் பெற்றோா்கள் கலந்துகொண்டனா்.