பைக் திருட்டு: இளைஞா் கைது

கடலூா் மாவட்டம், நெல்லிக்குப்பம் அருகே பைக் திருட்டில் ஈடுபட்ட இளைஞரை போலீஸாா் கைது செய்தனா்.

நெல்லிக்குப்பம் காவல் சரகம், மேல்பட்டாம்பாக்கம் சந்தைத் தெருவில் வசிப்பவா் விஷ்ணு(23). இவா், தனது பைக்கை வீட்டின் முன் ஞாயிற்றுக்கிழமை நிறுத்தி இருந்தாா். மீண்டும் வந்து பாா்த்தபோது பைக்கை காணவில்லை.

இதையடுத்து பைக்கை மா்ம நபா் திருடிச் சென்றுவிட்டதாக காவல் நிலையத்தில் விஷ்ணு புகாா் அளித்தாா். அதன்பேரில், நெல்லிக்குப்பம் போலீஸாா் வழக்குப்பதிவு செய்து விசாரணை மேற்கொண்டு, மேல்பட்டாம்பாக்கம், சபை தெருவைச் சோ்ந்த செல்வமணியை (21) கைது செய்து, பைக்கை மீட்டனா்.