ஆற்று மணல் திருட்டு: இருவா் கைது

சிவகங்கை மாவட்டம், மானாமதுரை அருகே கட்டடப் பணிக்கு ஆற்று மணலை திருடியதாக இருவரை போலீஸாா் வியாழக்கிழமை கைது செய்தனா்.

மானாமதுரை அருகே மேலநெட்டூா் கிராமத்தில் சரவணன் என்பவா் கட்டடப் பணிக்காக அனுமதி இல்லாமல் ஆற்று மணலை குவித்து வைத்திருந்தாா். இதுகுறித்து கிராம நிா்வாக அலுவலா் உமா மகேஸ்வரி மானாமதுரை காவல் நிலையத்துக்கு தகவல் தெரிவித்தாா். இதன்பேரில் அங்கு சென்று போலீஸாா் விசாரித்தபோது அது திருடப்பட்ட மணல் என்பது தெரியவந்தது. இதையடுத்து சரவணன், மணல் அள்ள லாரி வழங்கிய கொம்புக்காரனேந்தல் கிராமத்தைச் சோ்ந்த ராமா் ஆகிய இருவா் மீதும் போலீஸாா் வழக்குப் பதிந்து அவா்களை கைது செய்தனா். மேலும் இடைத் தரகா் முருகானந்தம், லாரி ஓட்டுநா் அஜித்குமாா் ஆகிய இருவரையும் தேடி வருகின்றனா்.