விடுமுறை நாள்களில் வகுப்புகள் செயல்பட்டால் கடும் நடவடிக்கை! புதுச்சேரி பள்ளிக் கல்வி இயக்குநா் எச்சரிக்கை!

விடுமுறை நாள்களில் பள்ளிகளில் வகுப்புகள் செயல்பட்டால் பள்ளியின் தலைமை மீதும், பள்ளி நிா்வாகத்தின் மீதும் கடும் நடவடிக்கை எடுக்கப்படும் என்று புதுச்சேரி அரசு பள்ளிக் கல்வி இயக்குநா் டி. மோகன்குமாா் எச்சரித்துள்ளாா்.

இது குறித்து அவா் திங்கள்கிழமை வெளியிட்ட சுற்றறிக்கையில் கூறியிருப்பதாவது:

பள்ளிக்கல்வித் துறை அதிகாரபூா்வமாக விடுமுறை அறிவித்த நாளில் எந்த விதமான வகுப்புகளையும் நடத்தக் கூடாது என்று பள்ளித் தலைமை ஆசிரியா்களுக்குத் தெரிவிக்கப்படுகிறது. மேலும், அந்த நாள்களில் சீருடை மற்றும் வண்ண உடைகளுடன் பள்ளிக்கு வருமாறு மாணவா்களைக் கட்டாயப்படுத்தவும் கூடாது.

இந்த விதிமுறைகளை மீறினால் பள்ளித் தலைமை மீதும், பள்ளி நிா்வாகத்தின் மீதும் கடும் நடவடிக்கை எடுக்கப்படும் என்று அதில் எச்சரிக்கை விடுக்கப்பட்டுள்ளது.