அம்மா ஆரோக்கியத் திட்டம் தொடக்கம்

ரிஷிவந்தியம் ஆரம்ப சுகாதார நிலையத்தில் தமிழக அரசின் அம்மா ஆரோக்கிய திட்டத் தொடக்க விழா வியாழக்கிழமை நடைபெற்றது.

 விழாவுக்கு மருத்துவ அலுவலர் எஸ்.முகிலன் தலைமை வகித்தார். மருத்துவ அலுவலர்கள் எம்.சரண்யா, அருண், மணிகண்டன், விக்ரமன் ஆகியோர் முன்னிலை வகித்தனர்.

சுகாதார ஆய்வாளர் இரா.தெய்வீகன் வரவேற்றார்.

 விழாவில் ஊராட்சித் தலைவர் மு.அமுதமொழி கலந்துகொண்டு, அம்மா ஆரோக்கியத் திட்டத்தை தொடங்கி வைத்தார்.

 மருத்துவ அலுவலர் எஸ்.முகிலன் பேசுகையில், இத்திட்டத்தின் மூலம் ரத்த அழுத்தம், சர்க்கரை நோய், ரத்த வகை, பல், கண் சம்பந்தப்பட்ட நோய்களுக்கான அறிகுறிகளை கண்டறிந்து சிகிச்சை பெறலாம் என்றார்.

 மருத்துவ அலுவலர் சரண்யா பெண்களுக்கான புற்றுநோய், மாதவிடாய் பற்றிய ஆலோசனைகள், கருவுற்ற தாய்மார்கள் கடைபிடிக்க வேண்டிய வழிமுறைகள், குழந்தை பிறந்த பின்னர் மேற்கொள்ள வேண்டிய சிகிச்சை முறைகளை விளக்கிக் கூறினார்.

 இதில், சுகாதார செவிலியர்கள் அமுதா, சாந்தி, சுகந்தி, சுபாஷினி மற்றும் பொதுமக்கள் கலந்துகொண்டனர்.