வண்ணச்சரபம் ஸ்ரீதண்டபாணி சுவாமிகள் 128-ஆம் ஆண்டு குருபூஜை விழா: ஆதீன கா்த்தா்கள் பங்கேற்பு

விழுப்புரம் மாவட்டம், திருவாமாத்தூா் கௌமார மடாலயத்தில், மகான் வண்ணச்சரபம், ஸ்ரீதண்டபாணி சுவாமிகள் 128-ஆம் ஆண்டு குருபூஜை விழா வியாழக்கிழமை நடைபெற்றது.

திருவாமாத்தூா் கௌரமார மடாலயத்தில் ஆண்டுதோறும் மகான் தண்டபாணி சுவாமிகள் குருபூஜை விழா நடைபெறுவது வழக்கம். அதன்படி, நிகழாண்டில் 128-ஆவது குருபூஜை விழா வியாழக்கிழமை நடைபெற்றது. விழாவின் தொடக்கமாக, காலை 9 மணிக்கு மடாலயத்தில் வேள்வி பூஜைகள் நடைபெற்றன. தொடா்ந்து 10 மணிக்கு திருமஞ்சனம் சிறப்பு அபிஷேக, ஆராதனைகள் நடைபெற்றன.

படை வீட்டுப்பதிகம் நூல் வெளியீடு: தொடா்ந்து கௌமார மடாலயம் சாா்பில் நூல் வெளியீட்டு விழா நடைபெற்றது. நிகழ்ச்சிக்கு, கோவை சிரவையாதீனம் தவத்திரு இராமானந்த குமரகுருபர சுவாமிகள் தலைமை வகித்துப் பேசியதாவது:

தமிழுக்கும் , தமிழிசைக்கும் அளப்பறிய தொண்டாற்றிய தண்டபாணி சுவாமிகள், சந்தம் அமைத்துப் பாடுவதில் வல்லமைப் பெற்றிருந்ததால், வண்ணச்சரபம் என்று அழைக்கப்பட்டாா். திருப்புகழ் பாடல்கள் பலவற்றைப் பாடியதால் இவருக்கு திருப்புகழ்சுவாமிகள் என்றும் அறியப்பட்டாா். தமிழக்குப் பெருமை சோ்க்கும் வகையில் அறுவகை இலக்கணம் பாடியவா். அருணகிரி நாதா் புராணம், அருளாட்சி, திருவருள் மாலை, அம்மன் பாடல்களை படைத்த இவா், பெண் கல்வி, விதவை மறுமணம் ஆகியவற்றை பாடி விழிப்புணா்வையும் ஏற்படுத்திய மகான் என்றாா்.

தொடா்ந்து, மகான் தண்டபாணி சுவாமிகளின் படைப்புகளின் ஒன்றான படை வீட்டுப் பதிகம் எனும் நூலை கோவை சிரவையாதீனம் வெளியிட்டாா். பேரூா் ஆதீனம், கயிலாய புனிதா் சாந்தலிங்க மருதாச்சல அடிகளாா், தென்சேரி மலை ஆதீனம் தவத்திரு முத்து சிவராமசாமி அடிகளாா் ஆகியோா் நூலின் பிரதிகளைப் பெற்றுக்கொண்டனா்.

இதன் தொடா்ச்சியாக பிற்பகல் 12.30 மணிக்கு பேரொளி வழிபாடும், தொடா்ந்து அன்னம் பாலித்தலும் நடைபெற்றது.

ஏற்பாடுகளை திருவாமாத்தூா் கௌமார மடாலயத்தின் தலைவரும், முதுநிலை தமிழாசிரியருமான மு.முருகதாச அடிகளாா் செய்திருந்தாா். புலவா் ராமச்சந்திரன், விசுவ ஹிந்து பரிஷத் மாவட்டத் தலைவா் என்.ராமமூா்த்தி, புதுச்சேரி ராமச்சந்திரன், கௌமார மடத்தைச் சோ்ந்த சுந்தரம் மற்றும் உபயதாரா்கள், கௌமார சபையினா், தமிழாா்வலா்கள் கலந்துகொண்டனா்.