கோவை அவிநாசி கொள்ளைச் சம்பவம்: 4 பேரை மடக்கிப் பிடித்த போலீஸாா்!

கோவை அவிநாசியில், வெளி மாநிலத்தைச் சோ்ந்தவரிடம் ரூ.1.06 கோடி கொள்ளையடிக்கப்பட்ட சம்பவத்தில் தொடா்புடைய 4 பேரை உளுந்தூா்பேட்டை போலீஸாா் சனிக்கிழமை மடக்கிப் பிடித்தனா்.

கோவை அவிநாசியில், ஆந்திர மாநிலத்தைச் சோ்ந்த ஒருவரிடம் ரூ.1.06 கோடியை ஒரு கும்பல் கொள்ளையடித்துக் கொண்டு தப்பிச் சென்றது. அந்தக் கும்பலைச் சோ்ந்தவா்கள் ஒரு காரில் சென்னைக்கு தப்பிச் செல்வதாக கள்ளக்குறிச்சி மாவட்ட போலீஸாருக்கு தகவல் தெரிவிக்கப்பட்டது.

இதையடுத்து, கள்ளக்குறிச்சி போலீஸாா் உஷாா் படுத்தப்பட்டனா். மாவட்டம் முழுவதும் போலீஸாா் தீவிர வாகனத் தணிக்கையில் ஈடுபட்டனா். உளுந்தூா்பேட்டையை அடுத்த தக்கா பகுதியில் சனிக்கிழமை வாகனத் தணிக்கையில் ஈடுபட்டிருந்தனா். அப்போது, அந்த வழியாக சென்னை நோக்கிச் சென்ற காரை நிறுத்தி சோதனை செய்தனா். காரில் இருந்தவா்களிடம் விசாரித்தபோது, அவா்கள் முன்னுக்குப் பின் முரணான தகவல்களை தெரிவித்தனா்.

இதையடுத்து காரில் இருந்த ஓட்டுநா் உள்பட 4 பேரையும் காவல் நிலையம் அழைத்துச் சென்று நடத்திய விசாரணையில், அவா்களுக்கு கோவை கொள்ளைச் சம்பவத்தில் தொடா்பிருந்தது தெரியவந்தது. இதையடுத்து பிடிபட்ட 4 பேரும் கோவை போலீஸாரிடம் ஒப்படைக்கப்பட்டனா்.