நயன்தாரா, அதர்வா, ராஷி கண்ணா உள்ளிட்ட பலர் நடிப்பில் அஜய் ஞானமுத்து இயக்கத்தில் உருவாகியுள்ள படம் ‘இமைக்கா நொடிகள்’. இந்தப் படத்தில் பாலிவுட் நடிகர் அனுராக் காஷ்யாப் வில்லனாக நடித்துள்ளார். ‘ஹிப் ஹாப் தமிழா’ இசையமைத்துள்ளார். ஆர்.டி.ராஜசேகர் ஒளிப்பதிவு செய்ய படத்தை கேமியோ பிலிம்ஸ் தயாரித்துள்ளது.

இன்று வெளியாவதாக அறிவிக்கப்பட்ட இப்படத்தின் முதல் இரு காட்சிகள் இதுவரை ஆரம்பமாகவில்லை. தயாரிப்பாளருக்குப் பண விவகாரம் தொடர்பான பிரச்னைகள் உள்ளதால் திரையரங்குகளுக்கு கேடிஎம் அனுப்படவில்லை. தமிழ்நாட்டில் மட்டுமல்லாமல் அமெரிக்கா, இங்கிலாந்து போன்ற பகுதிகளிலும் இப்பிரச்னை காரணமாகப் படம் வெளியாகவில்லை. 

இதனால் படத்தின் முதல் காட்சிக்கு முன்பதிவு செய்திருந்த ரசிகர்கள் ஏமாற்றமடைந்தார்கள். இன்று மதியக் காட்சி அல்லது மாலை காட்சி முதல் படம் அனைத்து இடங்களிலும் வெளியாகும் என எதிர்பார்க்கப்படுகிறது.