வெளியானது ‘அண்ணாத்த’ முதல் பார்வை

நடிகர் ரஜினிகாந்த் நடிப்பில் உருவான ’அண்ணாத்த’ படத்தின் முதல் பார்வை இன்று (செப்-10)  வெளியாகியிருக்கிறது . 

சன் பிக்சர்ஸ் தயாரிப்பில் இயக்குநர் சிவா இயக்கத்தில்  நடிகர் ரஜினிகாந்த் கதாநாயகனாக நடித்துள்ள படம் 'அண்ணாத்த'.  படத்தின் ஒட்டுமொத்த படப்பிடிப்பும் முடிந்திருந்தால் இதன் அடுத்தகட்ட அறிவிப்பை ரசிகர்கள் எதிர்பார்த்திருந்த நிலையில் நேற்று படத்தின் முதல் பார்வை வெளியாகும் என அறிவிக்கப்பட்டிருந்தது. 

இந்நிலையில் தற்போது இந்தப் படத்தின் முதல் பார்வை வெளியாகி இணையத்தில் வைரலாகிக் கொண்டிருக்கிறது.

மேலும்  இன்று மாலை 6 மணிக்கு படத்தின் மோஷன் போஸ்டரையும் வெளியிட இருப்பதாக படக்குழு அறிவித்திருக்கிறார்கள். இரண்டும் ஒரே நாளில் வெளியாவதால் இச்செய்தியை ரஜினி ரசிகர்கள் இணையத்தில் கொண்டாடி வருகின்றனர்.

இப்படம் தீபாவளி அன்று திரையரங்குகளில் வெளியாகிறது.