கார்த்திக் நரேன் இயக்கத்தில் தனுஷ் நடித்துள்ள மாறன் திரைப்படம் வருகிற மார்ச் 11 ஆம் தேதி நேரடியாக டிஸ்னி பிளஸ் ஹாட்ஸ்டார் ஓடிடி தளத்தில் வெளியாகவுள்ளது. சத்யஜோதி ஃபிலிம்ஸ் நிறுவனம் இந்தப் படத்தை தயாரித்துள்ளது. 

இந்தப் படத்தில் தனுஷுக்கு ஜோடியாக மாளவிகா மோகனன் நடிக்க, சமுத்திரக்கனி, ஜெயபிரகாஷ், கிருஷ்ணகுமார், ஸமிருதி வெங்கட், ராம்கி, மகேந்திரன் உள்ளிட்டோர் முக்கிய வேடங்களில் நடித்துள்ளனர். 

இதையும் படிக்க | 'வலிமை' எந்த ஓடிடியில், எப்பொழுது வெளியாகிறது தெரியுமா?

இந்தப் படத்தின் டிரெய்லர் தற்போது வெளியாகியுள்ளது. படத்தில் தனுஷ் பத்திரிகையாளராக நடித்துள்ளதாக தெரிகிறது. இந்தப் படத்துக்கு ஜி.வி.பிரகாஷ் குமார் இசையமைத்துள்ளார். ஜகமே தந்திரம் படத்தைத் தொடர்ந்து மாறன் திரைப்படமும் திரையரங்குகளில் வெளியாகாமல் ஓடிடியில் வெளியாவது தனுஷ் ரசிகர்களை ஏமாற்றமடைய செய்துள்ளது.