டான் இயக்குநருடன் இணைகிறாரா விஜய் ?

நடிகர் விஜய்யின் அடுத்தப் படத்தை டான் பட இயக்குநர் சிபி சக்கரவர்த்தி இயக்கவுள்ளதாக தகவல் பரவிவரும் நிலையில் அந்தத் தகவல் மறுக்கப்பட்டுள்ளது. 

நடிகர் விஜய்யின் தற்போது தெலுங்கு இயக்குநர் வம்சி இயக்கும் வாரிசு படத்தில் நடித்து வருகிறார். இந்தப் படத்தின் படப்பிடிப்பு ஹைதராபாத்தில் உள்ள ராமோஜி ஃபிலிம் சிட்டியில் நடைபெற்றுவருகிறது. தமன் இந்தப் படத்துக்கு இசையமைக்கிறார். 

இந்தப் படத்தில் விஜய்க்கு ஜோடியாக ராஷ்மிகா மந்தனா நடிக்க, சரத்குமார், குஷ்பு, சங்கீதா, ஸ்ரீகாந்த் உள்ளிட்டோர் இந்தப் படத்தில் முக்கிய வேடங்களில் நடித்து வருகின்றனர். 

இதையும் படிக்க | 37 வயதே ஆகும் நடிகர் திடீர் மரணம் - அதிர்ச்சியில் ரசிகர்கள்

இதனையடுத்து நடிகர் விஜய் லோகேஷ் கனகராஜ் இயக்கும் தளபதி 67 படத்தில் நடிக்கவிருக்கிறார். செவன் ஸ்கிரீன் ஸ்டுடியோஸ் நிறுவனம் இந்தப் படத்தை தயாரிக்கவிருக்கிறது. 

இந்த நிலையில் பீஸ்ட் பட தோல்வியால் சன் பிக்சர்ஸ் நிறுவனம் தயாரிப்பில் நடிகர் விஜய் மீண்டும் ஒரு படத்தில் நடிக்கிறாராம். இந்தப் படத்தை டான் இயக்குநர் சிபி சக்கரவர்த்தி இயக்க அதிக வாய்ப்பிருப்பதாக கூறப்படுகிறது. ஆனால் விஜய் தரப்பில் இந்தத் தகவலை மறுத்துள்ளனர்.