இசையமைப்பாளர் தேவி ஸ்ரீ பிரசாத் மீது நடிகை புகார்! 

இசையமைப்பாளர் தேவி ஸ்ரீ பிரசாத் மீது தெலுங்கு நடிகை கராத்தே கல்யாணி புகார் அளித்துள்ளார். 

தமிழில் 'இனிது இனிது காதல் இனிது' படத்தின் மூலம் இசையமைப்பாளராக அறிமுகவானவர் தேவி ஸ்ரீ பிரசாத். தமிழை விட தெலுங்கில் அதிக படங்களுக்கு இசையமைத்து வருகிறார்.  அவரது இசையில் வெளியான புஷ்பா, தி வாரியர் பட பாடல்கள் மிகவும் புகழ்பெற்றது.  

சமீபத்தில் இவர் ‘ஓ பெண்ணே’ எனும் இசை ஆல்பத்தினை வெளியிட்டார். தெலுங்கில் இதற்கு ‘ஓ பரி’ என்ற பெயரில் வெளியானது. ரகீப் ஆலம் என்பவர் பாடலை எழுதியுள்ளார். இதில் ஹரே ராம ஹரே கிருஷ்ணா என்ற வரிகள் வரும்போது பெண்கள் ஆபாச உடை அணிந்து வருமாறு காட்சிகள் படமாக்கப்பட்டுள்ளது. இதனால் இந்து மத உணர்வுகள் பாதிக்கப்பட்டதாக நடிகையும் ராஷ்ட்ரிய இந்து கூட்டு நடவடிக்கை குழுவின் தலைவருமான கராத்தே கல்யாணி மற்றும் இந்து ஜனசக்தி தலைவர் லலித் குமார் ஆகியோர் தேவி ஸ்ரீ பிரசாத்துக்கு எதிராக புகார் அளித்துள்ளனர். 

இந்த பாடல் யூடியூபில் 20 மில்லியன் பார்வையாளர்களை கடந்துள்ளது குறிப்பிட்டத்தக்கது.