விஜய் தொலைக்காட்சியில் ஒளிபரப்பாகிவரும் தொடர்களில் முதன்மை டிஆர்பி பெற்ற தொடர் என்ற சிறப்பை சிறகடிக்க ஆசை தொடர் கைப்பற்றியுள்ளது. 

விஜய் தொலைக்காட்சியில் பாக்கியலட்சுமி தொடர் முதன்மை தொடராக இருந்துவந்த நிலையில், தற்போது அதிக டிஆர்பி பெற்று சிறகடிக்க ஆசை முதன்மை வகிக்கிறது. 

விஜய் தொலைக்காட்சியில் ஒளிபரப்பாகிவரும் தொடர்கள் இல்லத்தரசிகளை மட்டுமின்றி இளம் தலைமுறையினரையும் கவர்ந்துள்ளது. இதனால், தொடர்களுக்கு சமூகவலைதளத்தில் தனி ரசிகர் பட்டாளமும் உருவாகியுள்ளது.

படிக்க | தமிழ்நாட்டின் டாப் 10 தொடர்கள்! டிஆர்பி பட்டியல் வெளியீடு!!

கடந்த சில மாதங்களாக விஜய் தொலைக்காட்சியில் அதிக அளவில் பார்க்கப்படும் தொடர்களில் முதலிடத்தில் பாக்கியலட்சுமி தொடர் இருந்துவந்தது. 

இந்நிலையி, இந்த வாரம் வெளியான டிஆர்பி பட்டியலில் பாக்கியலட்சுமி தொடரை சிறகடிக்க ஆசை தொடர் முந்தியுள்ளது.

சிறகடிக்க ஆசை தொடர் அதிக அளவாக டிஆர்பி பட்டியலில் 7.39 புள்ளிகளைப் பெற்றுள்ளது. பாக்கியலட்சுமி தொடர் 7.67 புள்ளிகளைப் பெற்றுள்ளது. இதனால், பாக்கியலட்சுமி தொடரை முந்தியுள்ளது சிறகடிக்க ஆசை தொடர். 

சிறகடிக்க ஆசை தொடரில், கோமதி பிரியா, வெற்றி வசந்த் ஆகியோர் முதன்மை பாத்திரத்தில் நடிக்கின்றனர். குரு சம்பத்குமார் திரைக்கதை எழுத எஸ். குமரன் இயக்குகிறார். இந்தத் தொடர் இரவு 9.30 மணிக்கு ஒளிபரப்பாகிறது.