பிரபல இயக்குநருடன் மீண்டும் இணையும் அஜித்!

பிரபல இயக்குநருடன் நடிகர் அஜித்  மீண்டும் இணையவுள்ளதாக தகவல் வெளியாகியுள்ளது.

துணிவு படத்தைத் தொடர்ந்து அஜித்தின் புதிய படத்தை யார் இயக்குவார் என்கிற எதிர்பார்ப்பு ரசிகர்கள் மத்தியில் இருந்தது. அந்த எதிர்பார்ப்புக்கு  அஜித் குமாரின் பிறந்தநாளை முன்னிட்டு கடந்த மே 1 ஆம் தேதி அவரின் புதிய படம் குறித்த அதிகாரபூர்வ அறிவிப்பு வெளியானது.

அதன்படி, அஜித்தின் அடுத்தப் படத்தை இயக்குநர் மகிழ் திருமேனி இயக்குவார் எனத் தெரிவிக்கப்பட்டுள்ளது. மேலும் படத்துக்கு விடாமுயற்சி எனவும் தலைப்பு வைத்துள்ளனர். லைகா நிறுவனம் தயாரிக்கும் இந்த படத்துக்கு அனிருத் இசையமைக்கிறார். நிரவ் ஷா ஒளிப்பதிவு செய்கிறார்.

இந்நிலையில், விடாமுயற்சி படத்தைத் தொடர்ந்து, அஜித்தின் 63வது படத்தை இயக்குநர் சிவா இயக்கவுள்ளதாக தகவல் வெளியாகியுள்ளது. மேலும் இப்படத்தை சன் பிக்சர்ஸ் தயாரிக்கவுள்ளதாவும் கூறப்படுகிறது.

இதையும் படிக்க: அண்ணாவையும் சேர்த்து படிக்க வேண்டும்: இயக்குநர் வெற்றிமாறன் பேட்டி! 

முன்னதாக, சிவா இயக்கத்தில் வீரம், வேதாளம், விவேகம், விஸ்வாசம் போன்ற படங்களில் அஜித் நடித்திருந்தது குறிப்பிடத்தக்கது.