எத்தனை தொடர் வந்தாலும்.. 'எதிர்நீச்சல்' சீரியலுக்கு குவியும் பாராட்டு!

சன் தொலைக்காட்சியில் ஒளிபரப்பாகி வரும் ’எதிர்நீச்சல்’ தொடருக்கு ஆதரவு அதிகரித்து வருகிறது. 

சன் தொலைக்காட்சியில் ஒளிபரப்பாகிவரும் ''கண்ணான கண்ணே'' தொடர் முடியவுள்ளது. 'ரோஜா' தொடர் முடிந்துவிட்டது. இதனிடையே முடிவடையவுள்ள புதிய தொடர்களுக்கு மாற்றாக புதிய தொடர்கள் ஒளிபரப்பாகவுள்ளன.

சன் தொலைக்காட்சியில் 'மலர்', 'மிஸ்டர் மனைவி' ஆகிய இரு தொடர்கள் புதிதாக ஒளிபரப்பாகவுள்ளன. 

படிக்க | சின்னத்திரையில் நகைச்சுவைத் தொடர் வராதா?

'சித்தி -2' தொடரில் வெண்பா பாத்திரத்தில் நடித்த பிரீத்தி ஷர்மா இந்தத் தொடரில் முதன்மை பாத்திரத்தில் நடிக்கிறார். அக்கா - தங்கை பாசத்தை அடிப்படையாக வைத்து இந்தத் தொடர் ஒளிபரப்பாகிறது. 

இதேபோன்று 'மிஸ்டர் மனைவி' தொடரில், செம்பருத்தி தொடரில் நடித்த ஷபானா முதன்மை பாத்திரத்தில் நடிக்கிறார். அவருக்கு ஜோடியாக தெலுங்கு சின்னத் திரை நடிகர் பவன் ரவீந்திரா நடிக்கிறார்.

படிக்க | 'செம்பருத்தி' நாயகியின் புதிய சீரியல் 'மிஸ்டர் மனைவி'

மாறுபட்ட குணம் கொண்ட இரு இதயங்கள் காதலில் இணைந்து அவர்கள் சந்திக்கும் சூழல்களை அடிப்படையாக வைத்து ''மிஸ்டர் மனைவி'' என்ற தொடர் அமைக்கப்பட்டுள்ளதாகத் தெரிகிறது. 

இந்த இரண்டு தொடர்களின் முன்னோட்ட விடியோக்களை சன் தொலைக்காட்சி வெளியிட்டுள்ளது. இரண்டு தொடர்களின் முன்னோட்ட விடியோக்களுக்கும் ரசிகர்களிடம் மிகுந்த வரவேற்பு காணப்படுகிறது. 

எனினும் சன் தொலைக்காட்சியில் ஒளிபரப்பாகி வரும் ’எதிர்நீச்சல்’ தொடரின் ஆதரவை அவைப் பெறவில்லை. எத்தனை தொடர் வந்தாலும் ’எதிர்நீச்சல்’ தொடருக்கான ஆதரவு அதிகரித்துக்கொண்டேதான் செல்லும் என்பதற்கு சான்றாகவுள்ளது ரசிகர்களின் கருத்துகள்.

படிக்க | அடுத்த வாரம் முதல் புதிய தொடர்: சித்தி -2 வெண்பா நடிக்கும் 'மலர்'

தேவையானி நடிப்பில் ஒளிபரப்பான 'கோலங்கள்' தொடரில் இயக்குனராகவும் நடிகராகவும் நடித்த திருச்செல்வம் பல வருடங்களுக்குப் பிறகு 'எதிர்நீச்சல்' தொடரை இயக்குகிறார். கோலங்கள் தொடரில் ஆர்த்தி பாத்திரத்தில் நடித்த ஸ்ரீவித்யா எதிர்நீச்சல் தொடருக்கு வசனம் எழுதுகிறார். இது தற்போதைய சூழ்நிலையில் அதிகமாக பிற்போக்குத்தனங்கள் இல்லாத தொடராக இருப்பதாக ரசிகர்கள் கருத்து தெரிவித்து வருகின்றனர். இதனால், இளைஞர்கள் முதல் பெரியோர்கள் வரை இந்தத் தொடருக்கு அதிக அளவு ஆதரவு பெருகி வருகிறது.

'மிஸ்டர் மனைவி', 'மலர்' ஆகிய தொடர்களின் முன்னோட்ட விடியோ கமெண்டுகளில் ’எதிர்நீச்சல்’ தொடர் குறித்து ரசிகர்கள் கருத்து தெரிவித்து வருகின்றனர். 

படிக்க | சன் டிவியின் பிரபல சீரியல் நிறைவடைகிறது?