விஷ்ணு விஷால் 21: எதிர்பாராததை எதிர்பாருங்கள்!

நடிகர் விஷ்ணு விஷால் தான் நடிக்கும் புதிய படத்தின் புகைப்படத்தினை பகிர்ந்துள்ளார்.

முண்டாசுப்பட்டி, ராட்சசன் வெற்றிப் படங்களைக் கொடுத்தவர் இயக்குநர் ராம்குமார். நடிகர் விஷ்ணு விஷால் நடிப்பில் உருவாகி மிகுந்த வரவேற்பைப் பெற்ற முண்டாசுப்பட்டியைத் தொடர்ந்து சிறிது ஆண்டுகள் படம் எதுவும் இயக்காமல் இருந்த ராம்குமார் மீண்டும் விஷ்ணு விஷாலை இயக்கி  ‘ராட்சசன்’ திரைப்படத்தின் மூலம் வெற்றியைக் கொடுத்தார்.

சில மாதங்களுக்கு முன், ராம்குமார் - விஷ்ணு விஷால் கூட்டணி  மூன்றாவது முறையாக மீண்டும் இணைவது குறித்து அதிகாரப்பூர்வ அறிவிப்பு வெளியானது. 

தற்போது கொடைக்கானலில் 3வது கட்ட படப்பிடிப்பு நடைபெற்று வருவதாக நடிகர் விஷ்ணு விஷால் தனது எக்ஸ் பக்கத்தில் புகைப்படங்களை பகிர்ந்து பதிவிட்டுள்ளார். அதில் மாஸ்டர் ராம்குமாருடன். எதிர்பாராததை எதிர்பாருங்கள் எனவும் குறிப்பிட்டுள்ளார்.