நடிகர் ரஜினிகாந்த் தன் நீண்ட கால நண்பரைச் சந்தித்த புகைப்படம் வைரலாகியுள்ளது.

நடிகர் ரஜினிகாந்த் வேட்டையன் படப்பிடிப்பைத் தொடர்ந்து, தற்போது லோகேஷ் கனகராஜ் இயக்கத்தில் கூலி திரைப்படத்தில் நடித்து வருகிறார். இதன் படப்பிடிப்பு ஹைதராபாத்தில் துவங்கியுள்ளது.

இப்படப்பிடிப்புக்கு முன் ரஜினிகாந்த் தன் நீண்டகால நண்பரும் நடிகருமான மோகன் பாபுவைச் சந்தித்துள்ளார்.

இருவரும் சந்தித்த புகைப்படத்தை வெளியிட்ட மோகன் பாபு, “இன்றும் என்றும் எப்போதும்.. நட்புதான் வாழ்க்கை” எனப் பதிவிட்டுள்ளார். இப்படம் சமூக வலைதளங்களில் கவனம் பெற்றுள்ளது.