ராயன்: காவல்துறை உளவாளியாக தனுஷ்?

நடிகர் தனுஷ் நடிப்பில் உருவான ராயன் படத்தின் டிரைலர் இன்று வெளியாகிறது.

நடிகர் தனுஷின் 50ஆவது படத்தை அவரே எழுதி, இயக்கி, நடித்துள்ள ராயன் திரைப்படம் ஜூன் 13ஆம் தேதி வெளியிடப்படுவதாக இருந்த நிலையில், வெளியீட்டு தேதி ஜூலை 26 ஆம் தேதிக்கு மாற்றப்பட்டுள்ளது.

கேங்ஸ்டர் கதைக்களத்தில் உருவாகியுள்ள 'ராயன்' படத்துக்கு ஏ.ஆர். ரஹ்மான் இசையமைத்துள்ளார். இந்தத் திரைப்படத்தில் செல்வராகவன், எஸ்.ஜே.சூர்யா, பிரகாஷ் ராஜ், காளிதாஸ் ஜெயராம், சந்தீப் கிஷான், நடிகை துஷாரா விஜயன், நடிகை அபர்ணா பாலமுரளி, வரலட்சுமி சரத்குமார், சரவணன் உள்ளிட்டோர் நடித்துள்ளனர்.

இப்படத்திற்கு, தணிக்கை வாரியம் ஏ சான்றிதழ் கொடுத்துள்ளது. ராயன் படத்தின் டிரைலர் இன்று மாலை 6 மணிக்கு வெளியாகும் என தயாரிப்பு நிறுவனம் அதிகாரப்பூர்வமாக அறிவித்துள்ளது.

இந்த நிலையில், இப்படத்தில் நடிகர் தனுஷ் காவல்துறை உளவாளியாக நடித்துள்ளதாகத் தகவல் வெளியாகியுள்ளது. மேலும், இப்படம் வடசென்னை பின்னணியில் உருவாகியிருப்பதால் ரசிகர்களிடையே ஆவலை ஏற்படுத்தியுள்ளது.