அரவிந்த் சுவாமி பிறந்தநாள்: மெய்யழகன் சிறப்பு போஸ்டர்!

நடிகர் அரவிந்த் சுவாமியின் பிறந்தநாளை முன்னிட்டு மெய்யழகன் படக்குழுவினர் சிறப்பு போஸ்டர் வெளியிட்டுள்ளனர்.

விஜய் சேதுபதி - திரிஷா நடிப்பில் வெளியாகி மிகப்பெரிய வரவேற்பைப் பெற்ற ‘96’ படத்துக்குப் பின் இயக்குநர் பிரேம் குமார் நடிகர் கார்த்தியை வைத்து புதிய படத்தை இயக்கி வருகிறார்.

இந்தத் திரைப்படம் கார்த்தியின் 27-வது படமாகும். இப்படத்துக்கு 'மெய்யழகன்' எனப் பெயரிடப்பட்டுள்ளனர். இதன், முதல் பார்வை போஸ்டர் வெளியாகி கவனம் பெற்றது. இப்படத்தில், நடிகர் அரவிந்த் சுவாமியும் முக்கிய கதாபாத்திரத்தில் நடித்து வருகிறார். இப்படம் ஆகஸ்ட் மாதம் திரைக்கு வரும் என எதிர்பார்க்கப்படுகிறது.

இந்த நிலையில், நடிகர் அரவிந்த் சுவாமியின் பிறந்தநாளை முன்னிட்டு மெய்யழகன் படக்குழுவினர் சிறப்பு போஸ்டரைப் பகிர்ந்துள்ளனர்.