ஐஸ்வர்யா ராஜேஷின் புதிய பட போஸ்டர்!

காக்கா முட்டை, ரம்மி, கனா, வடசென்னை உள்ளிட்ட திரைப்படங்களின் மூலம் பிரபலமானவர் நடிகை ஐஸ்வர்யா ராஜேஷ். வடசென்னை வெற்றிக்குப் பிறகு பல்வேறு திரைப்படங்களில் நடித்துவருகிறார்.

அவர் நடிப்பில் உருவான ‘டிரைவர் ஜமுனா’, ஃபர்ஹானா, புலிமடா ஆகிய படங்கள் சுமாரான வெற்றியைப் பதிவு செய்தாலும் அவருக்கு பெயரைப் பெற்றுத் தந்தன. 

தீராக் காதல் படத்தில் அவரது நடிப்புக்கு மிகவும் நல்ல வரவேற்பினை பெற்றுத் தந்தது குறிப்பிடத்தக்கது. 

துவாரகா தயாரிப்பு நிறுவனம் சார்பாக ப்ளேஜ் கண்ணன் தயாரிப்பில் ஆர்.சவரி முத்து இயக்கத்தில் சிஸ்டர் படத்தின் தலைப்பு அறிவிப்பு விடியோ வெளியாகியுள்ளது. 

ஐஸ்வர்யா ராஜேஷ் தற்போது தீயவர் குலைகள் நடுங்க, ஹெர் ஆகிய படங்களிலும் சுழல் 2 இணையத் தொடரிலும் நடித்து வருகிறார். 

இந்நிலையில் அக்செஸ் பிலிம் பேக்டரி வழங்கும் வளையம் எனும் படத்தினை மனோ பாரதி இயக்குகிறார். இந்தப் படத்தில் நடிகை ஐஸ்வர்யா ராஜேஷ் நடிக்கிறார். இந்தப் படத்தின் முதல் பார்வை போஸ்டரை இசையமைப்பாளரும் நடிகருமான ஜி.வி. பிரகாஷ் குமார் வெளியிட்டார்.

தற்போது இந்தப் படத்தில் புதியதாக நடிகர் தேவ் இணைந்துள்ளார்.