வெளியானது 'தலைமைச் செயலகம்' டிரைலர்!

வெயில், அங்காடித்தெரு, அநீதி உள்ளிட்ட திரைப்படங்களை இயக்கியவர் இயக்குநர் வசந்தபாலன். இவருக்கு வெயில் திரைப்படத்திற்கு தேசிய விருது கிடைத்தது.

சமீபத்தில் இவரது இயக்கத்தில், நடித்த அர்ஜுன் தாஸ் நடிப்பில் வெளியான அநீதி திரைப்படம் ரசிகர்களிடையே கலவையான விமர்சனங்களைப் பெற்றது.

இந்த நிலையில், வசந்த பாலன் புதிய இணையத் தொடரொன்றை இயக்குகிறார். இத்தொடரில் நடிகர் கிஷோர் பிரதான வேடத்தில் நடிக்கிறார். மேலும் பரத் நிவாஸ், ரம்யா நம்பீசன், ஸ்ரேயா ரெட்டி உள்ளிட்டோர் முக்கிய வேடங்களில் நடிக்கிறார்கள்.

ராடன் நிறுவனம் சார்பில் ராதிகா சரத்குமார் தயாரிக்கும் இந்த இணையத் தொடருக்கு, ஜிப்ரான் இசையமைக்கிறார். இத்தொடர் வரும் மே 17 ஆம் தேதி ஜீ5 ஓடிடி தளத்தில் வெளியாகிறது.

முன்னதாக, தலைமைச் செயலகம்' இணையத் தொடரின் டீசர் வெளியாகி ரசிகர்களின் கவனத்தை ஈர்த்தது.

இந்நிலையில், தற்போது இந்த இணையத் தொடரின் டிரைலர் வெளியாகி இணையத்தில் வெளியாகியுள்ளது.