‘ஸ்டார்’ திரைப்படத்துக்கு கூடுதல் காட்சிகள்!

சின்னத்திரை தொடரான சரவணன் மீனாட்சி மூலம் ரசிகர்களிடையே பிரபலமான கவின், பிக் பாஸ் நிகழ்ச்சியில் பங்கேற்று தனக்கென தனி ரசிகர்கள் கூட்டத்தை உருவாக்கினார்.

இதனைத் தொடர்ந்து டாடா படத்தின் மூலம் சினிமாவில் கவின் பிரபலமடைந்தார்.பியார் பிரேமா காதல் படத்தின் இயக்குநர் இளனுடன் ‘ஸ்டார்’ என்ற படத்தில் கவின் இணைந்துள்ளார். இப்படத்துக்கு யுவன்சங்கர் ராஜா இசையமைக்கிறார்.

இப்படத்தில் கதாநாயகியாக அதிதி எஸ். போஹன்கர் நடித்துள்ளார்.

ஸ்டார் திரைப்படம் நேற்று (மே.10) வெளியான நிலையில் சென்னையில் திரையரங்கு ஒன்றில் முதல்நாள் முதல்காட்சியை பார்க்க இயக்குநர் இளன், நடிகர் கவின் ஆகியோர் சென்றனர். இதில் நடிகர் கவினுக்கு ரசிகர்கள் பெருத்த ஆரவாரமும், மதிப்பும் கொடுத்த அதேவேளையில் கூட்ட நெரிசலிலும் சிக்க வைத்தனர்.

இந்நிலையில் படத்துக்கு நல்ல வரவேற்பு வருவதால் தமிழகத்தில் 180க்கும் அதிமான காட்சிகள் கூடுதலாக ஒதுக்கப்படுள்ளதாக படக்குழு தெரிவித்துள்ளது.