நடிகர் தனுஷின் 52ஆவது படம் குறித்து தயாரிப்பு நிறுவனம் அதிகாரபூர்வமாக அறிவிப்பை வெளியிட்டுள்ளது.

தமிழின் முன்னணி நடிகராக இருக்கும் நடிகர் தனுஷ் சமீபத்தில் தனது 50ஆவது படமான ராயன் படத்தினை தானே இயக்கி நடித்திருந்தார். துஷாரா விஜயன், காளிதாஸ் ஜெயராம், சந்தீப் கிஷன், அபர்ணா பாலமுரளி உள்ளிட்ட பலர் நடித்திருந்தார்கள்.

51ஆவது படம்

கமர்ஷியல் ரீதியாக ராயன் வெற்றியைப் பதிவு செய்தது. இந்தப் படத்துக்கு அடுத்து 51ஆவது படமாக தெலுங்கில் குபேரன் படத்தில் நடித்து வருகிறார்.

இதையும் படிக்க: பாலியல் வன்கொடுமை வழக்கு! சினிமா நடன இயக்குநர் ஜானி மாஸ்டர் தலைமறைவு!

குபேரன் படத்தினை சேகர் கம்முலா இயக்குகிறார். இதில் ராஷ்மிகா நாயகியாக நடிப்பது குறிப்பிடத்தக்கது.

52ஆவது படம்

இந்தப் படத்துக்கு அடுத்து 52ஆவது படத்தில் நடிக்கிறார். இந்தப் படத்தினையும் தனுஷ் தயாரிக்கிறார். இந்தப் படத்தில் டாவ்ன் பிக்சர்ஸ் இணைந்து தயாரிக்கிறது.

இந்தப் படத்தினை யார் இயக்குகிறார்கள் என்ற தகவல் தெரியவில்லை. ஏற்கனவே தனுஷ் இளையராஜா பயோப்பிக்கிலும் நடிக்க உள்ளது குறிப்பிடத்தக்கது.