நடிகர் கமல்ஹாசன் சினிமாவில் அறிமுகமாகி 65 ஆண்டுகள் ஆனதைத் தொடர்ந்து தக் லைஃப் படக்குழுவினர் சமீபத்தில் கொண்டாடினர்.

களத்தூர் கண்ணம்மா படத்தின் மூலம் சினிமாவுக்கு அறிமுகமான கமல்ஹாசன், இதுவரை 233 படங்களில் நாயகனாக நடித்து இந்திய சினிமாவின் தனித்துவமிக்க கலைஞராக இருக்கிறார்.

பல மொழிகளின் முன்னணி இயக்குநர்களும், நடிகர்களும் கமல்ஹாசன் சினிமாவுக்குச் செய்த பங்களிப்பைப் பற்றி வியந்துகொண்டே இருக்கின்றனர்

இதையும் படிக்க: நடிகை பார்வதி நாயர் மீது வழக்குப் பதிவு!

இயக்குநர் மணிரத்னம் இயக்கத்தில் தக் லைஃப் படத்தில் நடித்து வருகிறார். இதன் படப்பிடிப்பு நேற்றுடன் முடைவடைந்தது. 35 ஆண்டுகளுக்குப் பிறகு இந்தக் கூட்டணி மீண்டும் இணைந்துள்ளது. இப்படத்திற்கு ஏ. ஆர். ரஹ்மான் இசையமைக்கிறார்.

சமீபத்தில், நடிகர்கள் கமல்ஹாசன் மற்றும் சிம்பு ஆகியோர் டப்பிங் பணிகளை மேற்கொண்ட விடியோ வெளியானது.

படத்தின் டிஜிட்டல் உரிமம் ரூ.149.7 கோடிக்கு விற்கப்பட்டுள்ளதாகவும் அடுத்தாண்டு மே மாதம் திரைக்கு வருமென்றும் தகவல்கள் வெளியாகியிருந்தது குறிப்பிடத்தக்கது.

படப்பிடிப்பு முடிவடைந்தவுடன் படக்குழுவுடன் எடுத்த புகைப்படங்கள் இணையத்தில் கவனம் பெற்றுள்ளன.