ரஜினியுடன் புகைப்படம் எடுத்துக் கொண்ட சச்சின்!

அயோத்தி ராமர் சிலை பிரதிஷ்டை விழாவில் கலந்து கொண்ட நடிகர் ரஜினிகாந்துடன் கிரிக்கெட் ஜாம்பவான் சச்சின் டெண்டுல்கர் எடுத்துக் கொண்ட புகைப்படம் வைரலாகி வருகிறது.

உத்தரப் பிரதேச மாநிலம் அயோத்தியில் கட்டப்பட்டு வரும் ராமர் கோயிலின் கருவறையில் குழந்தை ராமரின் சிலை நேற்று நண்பகல் பிரதிஷ்டை செய்யப்பட்டது.

பிரதமர் நரேந்திர மோடி தலைமையில் நடைபெற்ற பூஜையில், அரசியல் கட்சித் தலைவர்கள், தொழிலதிபர்கள், நடிகர்கள், விளையாட்டு வீரர்கள் உள்ளிட்ட பிரபலங்கள் கலந்து கொண்டனர்.

தமிழகத்தில் இருந்து நடிகர்கள் ரஜினிகாந்த், தனுஷ், இந்திய கிரிக்கெட் வீரர் ரவிசந்திர அஸ்வின் உள்ளிட்டோர் பங்கேற்றனர்.

இதையும் படிக்க | அயோத்தி விழாவில் பங்கேற்றுள்ள தமிழக பிரபலங்கள்!

இந்த விழாவில் கலந்துகொண்ட ரஜினியுடன், கிரிக்கெட் ஜாம்பவான் சச்சின் டெண்டுல்கர் எடுத்துக் கொண்ட புகைப்படம் இணையத்தில் வைரலாகி வருகின்றது.

மேலும், ரஜினிகாந்த், சச்சின் டெண்டுல்கர், பாடகர் சங்கர் மகாதேவன் எடுத்துக் கொண்ட புகைப்படமும் இணையத்தில் ரசிகர்களால் பகிரப்பட்டு வருகின்றது.