சம்பவம் காத்திருக்கு... வெளியானது ரெட்ரோ டிரைலர்!

சூர்யா - கார்த்திக் சுப்புராஜ் கூட்டணியில் உருவாகியுள்ள ரெட்ரோ படத்தின் டிரைலரை படக்குழு வெளியிட்டுள்ளது.

ரெட்ரோ திரைப்படம் ஆக்‌ஷன் கலந்த காதல் கதையாக எடுக்கப்பட்டுள்ளது. பூஜா ஹெக்டே நாயகியாகவும் நாசர், பிரகாஷ் ராஜ், ஜோஜு ஜார்ஜ் உள்ளிட்டோர் பிரதான பாத்திரங்களிலும் நடித்துள்ளனர்.

மே 1 ஆம் தேதி இப்படம் வெளியாகவுள்ளதால் அடுத்தடுத்து முக்கிய அறிவிப்புகளைப் படக்குழு வெளியிட்டு வருகிறது.

முன்னதாக, சந்தோஷ் நாராயணன் இசையமைப்பில் வெளியான கண்ணாடி பூவே, கனிமா, தி ஒன் பாடல்கள் ரசிகர்களிடம் நல்ல வரவேற்பைப் பெற்றுள்ளன.

இந்த நிலையில் ரெட்ரோ படத்தின் டிரைலர் மற்றும் இசை வெளியீட்டு விழா சென்னை நேரு உள் விளையாட்டு அரங்கில் இன்று(ஏப். 18) நடைபெற்று வருகிறது.

இந்த விழாவில் ரெட்ரோ படத்தின் டிரைலரை படக்குழு வெளியிட்டுள்ளது. டிரைலரில் சூர்யா பேசும் வசனங்கள் இணையத்தில் வைரலாகி வருகிறது.

இதையும் படிக்க: புதிய சீரியல் வருகை: பிரபல தொடர்களின் ஒளிபரப்பு நேரம் மாற்றம்!