நடிகர் நானி நடித்துள்ள ஹிட் - 3 திரைப்படத்தின் டீசர் வெளியாகியுள்ளது.

நானியின் முந்தைய படங்களான ‘ஷியாம் சிங்கா ராய்’, ‘அடடே சுந்தரா’ படங்கள் அமோக வரவேற்பினைப் பெற்றன. அதனைத் தொடர்ந்து வெளியான தசரா, ஹாய் நான்னா கலவையான விமர்சனங்களைப் பெற்றன.

இறுதியாக வெளியான ‘சரிபோத சனிவாரம்’ (சூர்யாவின் சனிக்கிழமை) திரைப்படம் மிகப்பெரிய வெற்றியடைந்தது.

இதையும் படிக்க: டிராகன் எதிர்பாராத வசூல்!

தற்போது, இயக்குநர் சிபி சக்ரவர்த்தி இயக்கத்தில் நானி நடிக்கவுள்ளதாகக் கூறப்படுகிறது.

இதற்கிடையே, நானி ஹிட் - 3 திரைப்படத்தில் நடித்து முடித்தார். வால் போஸ்டர் ஃபிலிம்ஸ் நிறுவனம் தயாரித்த இப்படத்தை சைலேஷ் கொலனு இயக்கியுள்ளார். இப்படத்தின் முதல் இரண்டு பாகங்கள் பெரிய ஹிட் அடித்ததைத் தொடர்ந்து மூன்றாம் பாகம் தயாராகியுள்ளது.

இந்த நிலையில், இன்று ஹிட் - 3 டீசரை தயாரிப்பு நிறுவனம் வெளியிட்டுள்ளது. இதில் இடம்பெற்ற அதிரடி ஆக்சன் காட்சிகள் ரசிகர்களிடையே எதிர்பார்ப்பை ஏற்படுத்தியுள்ளது.