இயக்குநர் அட்லி - அல்லு அர்ஜுன் கூட்டணியில் உருவாகும் படத்தின் பணிகள் தீவிரமடைந்து வருகின்றன.

புஷ்பா - 2 படத்தின் இமாலய வெற்றிக்குப் பின் நடிகர் அல்லு அர்ஜுன் இயக்குநர் அட்லி திரைப்படத்தில் நடிக்கிறார். இப்படம் ரூ. 600 கோடி பட்ஜெட்டில் மிகப் பிரம்மாண்டமாக உருவாகிறது.

படத்தின் கதை முழுக் கற்பனை (fantacy) புனைகதையாக இருக்கும் எனத் தெரிகிறது. இப்படத்தில் நடிகை தீபிகா படுகோன் இணைந்ததை இன்று விடியோ வெளியிட்டு அறிவித்துள்ளனர்.

இந்த விடியோவில் கதை குறித்த அனிமேஷன் ஓவியங்கள் காட்டப்படுகின்றன. அதில், ஓநாய், டிராகன்கள் உள்ளிட்டவை இடம்பெற்றுள்ளன.

இதனால், இப்படம் முழுக்க முழுக்க ஃபேண்டசி கதையாக விஎஃப்எக்ஸ் பணிகளால் நிறைந்ததாக இருக்கலாம் என்றே தெரிகிறது.

இதையும் படிக்க: அட்லீ - அல்லு அர்ஜுன் படத்தில் தீபிகா படுகோன்!