ஆர்யாவின் புதிய பட பெயர்!

நடிகர் ஆர்யா நடிக்கும் அவரது 36-வது படத்தின் பெயர் அறிவிக்கப்பட்டுள்ளது.

நடிகர் ஆர்யா மிஸ்டர் எக்ஸ் படத்தைத் தொடர்ந்து இயக்குநர் பா. இரஞ்சித் இயக்கத்தில் வேட்டுவம் படத்தில் நடித்து வருகிறார்.

இப்படத்தைத் தொடர்ந்து சார்பட்டா இரண்டாம் பாகத்திலும் நடிக்க உள்ளார். தற்போது, ஆர்யாவின் 36-வது பட அறிவிக்கப்பட்டுள்ளது.

மினி ஸ்டூடியோஸ் வினோத் குமார் தயாரிக்கும் இப்படத்தை ரன் பேபி ரன் படத்தை இயக்கிய ஜியென் கிருஷ்ணமூர்த்தி இயக்குகிறார்.

எம்புரான் படத்திற்கு கதை, திரைக்கதை எழுதிய முரளி கோபி இப்படத்திற்கு கதை எழுதியுள்ளார். காந்தாரா படத்தின் இசையமைப்பாளர் அக்னிஷ் லோக்நாத் இசையமைக்கிறார்.

இப்படத்திற்கு, 'அனந்தன் காடு’ எனப் பெயரிட்டுள்ளதை இன்று டீசர் வெளியிட்டு அறிவித்துள்ளனர். காட்சிகளைப் பார்த்தால், ஆர்யா இப்படத்தில் அதிகாரத்திற்கு எதிரான கதாபாத்திரத்தில் நடித்திருப்பதாகத் தெரிகிறது.

இதில், முக்கிய கதாபாத்திரங்களில் நிகிலா விமல், இந்திரன்ஸ் உள்ளிட்டோர் நடித்துள்ளனர்.